LokSabha Elections: తెలంగాణలో రాహుల్, ప్రియాంక ప్రచారం
ABN, Publish Date - May 01 , 2024 | 08:55 PM
కర్ణాటక, తెలంగాణ అసెంబ్లీ ఎన్నికలలో కాంగ్రెస్ పార్టీ అధికారాన్ని కైవసం చేసుకుంది. అలాగే లోక్‌సభ ఎన్నికల్లో సైతం కేంద్రంలో అధికారాన్ని అందుకోవాలని ఆ పార్టీ వ్యూహాత్మకంగా అడుగులు వేస్తుంది.
హైదరాబాద్, మే 1 : కర్ణాటక, తెలంగాణ అసెంబ్లీ ఎన్నికలలో కాంగ్రెస్ పార్టీ అధికారాన్ని కైవసం చేసుకుంది. అలాగే లోక్‌సభ ఎన్నికల్లో సైతం కేంద్రంలో అధికారాన్ని అందుకోవాలని ఆ పార్టీ వ్యూహాత్మకంగా అడుగులు వేస్తుంది. అందులోభాగంగా ఆ పార్టీ అగ్రనేతలు రాహుల్ గాంధీ, ప్రియాంక గాంధీ దేశవ్యాప్తంగా తమ ప్రచారాన్ని ముమ్మరం చేశారు.. చేస్తున్నారు. ఆ క్రమంలో మే 5వ తేదీన తెలంగాణకు రాహుల్ గాంధీ వస్తున్నారు.
LokSabha Elections: కాంగ్రెస్ పార్టీలో చేరిన ఇంద్రకరణ్ రెడ్డి
ఆ రోజు ఉదయం 11 గంటలకు ఆదిలాబాద్ లోక్‌సభ నియోజకవర్గ పరిధిలోని నిర్మల్‌లో ఏర్పాటు చేసిన బహిరంగ సభలో ఆయన పాల్గొనున్నారు. అదే రోజు సాయంత్రం నాగర్ కర్నూల్ లోక్‌సభ నియోజకవర్గంలోని గద్వాల్‌లో ఏర్పాటు చేసిన సభలో రాహుల్ ప్రసంగించనున్నారు. ఇక మే 6వ తేదీన కాంగ్రెస్ పార్టీ ప్రధాన కార్యదర్శి ప్రియాంక గాంధీ తెలంగాణకు రానున్నారు. ఆ రోజు ఉదయం 11.00 గంటలకు ఎల్లారెడ్డిలో ఏర్పాటు చేసిన బహిరంగ సభలో ఆమె పాల్గొంటారు.
AP Assembly Elections: వాలంటీర్లపై దువ్వాడ శ్రీనివాస్ సంచలన వ్యాఖ్యలు
Lok Sabha Elections: వారణాసిలో మోదీ నామినేషన్.. ముహుర్తం ఖరారు
అలాగే అదే రోజు మధ్యాహ్నం 3.00 గంటలకు తాండూర్‌లో ఏర్పాటు చేసిన బహిరంగ సభ ప్రియాంక ప్రసంగించనున్నారు. అనంరతం అదే రోజు సాయంత్రం సికింద్రాబాద్‌లో రోడ్ షోలో ఆమె పాల్గొంటారు. ఇక మే 7వ తేదీ ఉదయం నర్సాపూర్‌లో ఏర్పాటు చేసిన బహిరంగ సభలో ప్రియాంక గాంధీ హాజరవుతారు. అదే రోజు సాయంత్రం కూకట్‌పల్లి, శేరిలింగంపల్లిలో రోడ్ షోకు ఆమె హాజరవుతారు.
Droupadi Murmu: అయోధ్య రామమందిరంలో రాష్ట్రపతి ప్రత్యేక పూజలు....
అలాగే మే 9వ తేదీన రాహుల్ గాందీ మరోసారి తెలంగాణ రానున్నారు. ఆ రోజు ఉదయం 11.00 గంటలకు కరీంనగర్‌లో ఏర్పాటు చేసిన బహిరంగ సభలో ఆయన పాల్గొనున్నారు. అదే రోజు సాయంత్రం సరూర్‌నగర్‌లో స్టేడియంలో ఏర్పాటు చేసిన బహిరంగ సభలో సైతం రాహుల్ గాంధీ పాల్గొంటారు.
LokSabha Elections: తెలంగాణలో ఓవైసీ.. అసోంలో అజ్మల్: ప్రియాంక గాంధీ
Read Latest National News And Telugu News
Updated Date - May 01 , 2024 | 08:57 PM
