Hyderabad: ‘ఎస్సీ వర్గీకరణ’పై మంత్రుల కమిటీ
ABN, Publish Date - Sep 13 , 2024 | 04:37 AM
షెడ్యూల్డు కులాల(ఎస్సీ) వర్గీకరణపై అధ్యయనం కోసం రాష్ట్ర ప్రభుత్వం మంత్రుల కమిటీని ఏర్పాటు చేసింది. ఇందులో ఐదుగురు మంత్రులు ఉండగా.. ఒక ఎంపీ ఉన్నారు.
..ఐదుగురు మంత్రులు, ఒక ఎంపీ
చైర్మన్‌గా ఉత్తమ్‌కుమార్‌రెడ్డి
సుప్రీం తీర్పుపై అధ్యయనం,
సిఫారసులకు ప్రభుత్వం ఆదేశం
హైదరాబాద్‌, సెప్టెంబరు 12 (ఆంధ్రజ్యోతి): షెడ్యూల్డు కులాల(ఎస్సీ) వర్గీకరణపై అధ్యయనం కోసం రాష్ట్ర ప్రభుత్వం మంత్రుల కమిటీని ఏర్పాటు చేసింది. ఇందులో ఐదుగురు మంత్రులు ఉండగా.. ఒక ఎంపీ ఉన్నారు. ఈ మేరకు సీఎస్‌ శాంతికుమారి ఉత్తర్వులు జారీ చేశారు. మంత్రి ఉత్తమ్‌కుమార్‌రెడ్డి చైర్మన్‌గా, మంత్రులు దామోదర, దుద్దిళ్ల, పొన్నం, సీతక్కతో పాటు ఎంపీ మల్లు రవిని సభ్యులుగా నియమించారు.
ఎస్సీ అభివృద్ధి శాఖ ముఖ్యకార్యదర్శి ఈ కమిటీకి కన్వీనర్‌గా వ్యవహరిస్తారు. ఎస్సీల వర్గీకరణ చేపట్టాలంటూ ఆగస్టు 1న సుప్రీం తీర్పును అనుసరించి కమిటీని ఏర్పాటు చేస్తున్నట్లు ప్రభుత్వం ప్రకటించింది. తీర్పును అధ్యయనం చేయాలని, ఉప వర్గీకరణకు సంబంధించిన అన్ని అంశాలను పరిశీలించాలని కమిటీకి తెలిపింది. ఆ తర్వాత ఎస్సీ వర్గీకరణపై ఎలా ముందుకు వెళ్లాలో సూచిస్తూ ప్రభుత్వానికి సిఫారసులు చేయాలని ఆదేశించింది.
Updated Date - Sep 13 , 2024 | 04:41 AM
