TGPSC: ‘చైల్డ్‌ డెవలప్‌మెంట్‌ ప్రాజెక్టు అధికారి’ పరీక్షలు రద్దు
ABN, Publish Date - Jul 20 , 2024 | 05:35 AM
చైల్డ్‌ డెవల్‌పమెంట్‌ ప్రాజెక్టు ఆఫీసర్‌ పోస్టుల భర్తీ కోసం 2023లో నిర్వహించిన పరీక్షలను రద్దు చేస్తున్నట్టు టీజీపీఎస్సీ అధికారులు శుక్రవారం ప్రకటించారు.
గత ఏడాది జనవరిలో పరీక్షల నిర్వహణ
సిట్‌, ఫోరెన్సిక్‌ నివేదిక ఆధారంగా రద్దు: టీజీపీఎస్సీ
హైదరాబాద్‌, జూలై 19 (ఆంధ్రజ్యోతి): చైల్డ్‌ డెవల్‌పమెంట్‌ ప్రాజెక్టు ఆఫీసర్‌ పోస్టుల భర్తీ కోసం 2023లో నిర్వహించిన పరీక్షలను రద్దు చేస్తున్నట్టు టీజీపీఎస్సీ అధికారులు శుక్రవారం ప్రకటించారు. గత ఏడాది (బీఆర్‌ఎస్‌ ప్రభుత్వ హయాంలో) జనవరి 3, 8 తేదీల్లో ఈ పరీక్షలు నిర్వహించారు.
ప్రశ్నపత్రాల లీకేజీ వ్యవహారం నేపథ్యంలో ఈ పరీక్షలను రద్దు చేశారు. సిట్‌, సెంట్రల్‌ ఫోరెన్సిక్‌ సైన్స్‌ లాబరేటరీ నివేదిక ఆధారంగా ఈ నిర్ణయం తీసుకున్నట్లు ప్రటించారు. ఈ పరీక్షల తేదీలను త్వరలోనే ప్రకటించనున్నట్లు తెలిపారు. దాదాపు ఏడాదిన్నర తర్వాత పరీక్షలను రద్దు చేయడం గమనార్హం.
Updated Date - Jul 20 , 2024 | 05:35 AM
