Maheshwaram: అన్నయ్యా.. నేనూ నీవెంటే..!
ABN, Publish Date - Jun 23 , 2024 | 02:59 AM
ఒకే తల్లి పిల్లలైన ఆ అన్నాచెల్లెళ్లు మరణంలోనూ తమ ప్రేమానుబంధాన్ని చాటుకున్నారు. అన్నయ్య ఆత్మహత్య చేసుకున్నాడనే విషయం తెలిసిన వెంటనే చెల్లెలి గుండె ఆగిపోయింది.
అన్న ఆత్మహత్య వార్త విని గుండెపోటుతో చెల్లెలి మృతి
రంగారెడ్డి జిల్లా పెద్దపులి నాగారంలో ఘటన
మహేశ్వరం, జూన్‌ 22(ఆంధ్రజ్యోతి): ఒకే తల్లి పిల్లలైన ఆ అన్నాచెల్లెళ్లు మరణంలోనూ తమ ప్రేమానుబంధాన్ని చాటుకున్నారు. అన్నయ్య ఆత్మహత్య చేసుకున్నాడనే విషయం తెలిసిన వెంటనే చెల్లెలి గుండె ఆగిపోయింది. రంగారెడ్డి జిల్లా మహేశ్వరం మండలం పెదపులి నాగారం గ్రామంలో శనివారం ఈ ఘటన జరిగింది. నాగారం గ్రామానికి చెందిన కమ్మరి విఠల్‌చారి(50) పదేళ్లుగా హైదరాబాద్‌లో నివాసం ఉంటున్నాడు. విఠల్‌చారికి వికారాబాద్‌ జిల్లా నవాబుపేట మండలంలో కొంత వ్యవసాయభూమి ఉంది.
ఆ భూమి దగ్గరకు వెళ్లివస్తానని చెప్పి శుక్రవారం ఇంటి నుంచి బయలుదేరిన విఠల్‌చారి తిరిగిరాలేదు. విఠల్‌చారి తన పొలం వద్ద ఓ చెట్టుకు ఉరి వేసుకుని ప్రాణాలు కోల్పోయి కనిపించాడు. శనివారం ఉదయం విఠల్‌చారి మరణ వార్త తెలుసుకున్న చెల్లెలు అనిత(45) గుండెపోటుతో కన్నుమూసింది. అన్నాచెల్లెళ్లు ఇద్దరు మరణించడంతో ఆ కుటుంబంలో విషాదం అలుముకుంది.
Updated Date - Jun 23 , 2024 | 02:59 AM
