NCB recruitment 2025: నార్కోటిక్ బ్యూరోలో ఉద్యోగాలు రెడీ..నో ఎగ్జామ్, 56 ఏళ్ల వరకూ ఛాన్స్.

పోలీస్ కొలువుల కోసం చూస్తున్న వారికి గుడ్ న్యూస్ వచ్చేసింది. నార్కోటిక్స్ కంట్రోల్ బ్యూరో (NCB) ఇటీవల 123 ఖాళీలకు నోటిఫికేషన్ ప్రకటించింది. వీటిలో, 94 పోస్టులు ఇన్‌స్పెక్టర్ కాగా, 29 పోస్టులు సబ్-ఇన్‌స్పెక్టర్‎లకు రిజర్వ్ చేయబడ్డాయి. ఈ ఖాళీలు భారతదేశంలోని వివిధ ప్రాంతాలలో విస్తరించి ఉన్నాయి. ఈ క్రమంలో హైదరాబాద్, విశాఖపట్నం, ఢిల్లీ సహా ప్రాంతాల్లో కూడా ఈ ఖాళీలు ఉన్నాయి.

NCB అర్హత ప్రమాణాలు 2025

అయితే ఈ పోస్టులకు దరఖాస్తు చేసుకునే ముందు అభ్యర్థులు అర్హత ప్రమాణాలను తప్పనిసరిగా నిర్ధారించుకోవాలి. NCB రిక్రూట్‌మెంట్ 2025 కింద ఇన్‌స్పెక్టర్ లేదా సబ్-ఇన్‌స్పెక్టర్ పోస్టులకు దరఖాస్తు చేసుకోవడానికి, అభ్యర్థులు ఈ క్రింది అర్హత ప్రమాణాలను పాటించాలి.

ఇన్‌స్పెక్టర్ పోస్టులకు అర్హత ప్రమాణాలు

అభ్యర్థులు గుర్తింపు పొందిన బోర్డు లేదా విశ్వవిద్యాలయం నుంచి ఏదైనా విభాగంలో బ్యాచిలర్ డిగ్రీ కలిగి ఉండాలి. దీంతోపాటు సంబంధిత గ్రేడ్‌లో సర్వీస్ అనుభవం కలిగి ఉండాలి. ఈ పోస్టులకు అప్లై చేసే వారి గరిష్ట వయోపరిమితి 56 సంవత్సరాలుగా ఉంది. ఇక శాలరీ విషయానికి వస్తే 7వ CPC ప్రకారం (రూ.9300-34800 + గ్రేడ్ పే రూ.4600) లభిస్తుంది. ఈ పోస్టులకు దరఖాస్తు ప్రక్రియ ప్రస్తుతం కొనసాగుతోంది.

ఎంపిక విధానం

డిప్యుటేషన్ ప్రాతిపదికన నియామకంలో, అభ్యర్థులు వారి గత పనితీరు, అనుభవం, ఇతర అర్హతల ఆధారంగా ఎంపిక చేస్తారు. రాత పరీక్ష లేదా ఇంటర్వ్యూ నిర్వహించబడదు.

దరఖాస్తు విధానం:

అభ్యర్థులు అధికారిక NCB వెబ్‌సైట్ http://narcoticsindia.nic.in/ నుంచి అప్లికేషన్ ఫారమ్‌ను డౌన్‌లోడ్ చేసుకుని ఆఫ్ లైన్ విధానంలో అప్లై చేయాల్సి ఉంటుంది.​ విద్యార్హత, వయో సంబంధిత సర్టిఫికేట్లు, ఇతర అవసరమైన డాక్యుమెంట్స్‌ను ఫారమ్‌తోపాటు పోస్టుల ఆధారంగా ఈ క్రింది ప్రాంతాలకు పంపించాలి.

• ఇన్‌స్పెక్టర్ పోస్టుల కోసం: డిప్యూటీ డైరెక్టర్ జనరల్ (P&A), నార్కోటిక్స్ కంట్రోల్ బ్యూరో, వెస్ట్ బ్లాక్ నం.1, వింగ్ నం.5, ఆర్.కె. పురం, న్యూఢిల్లీ – 110066.​

• సబ్-ఇన్‌స్పెక్టర్ పోస్టుల కోసం: డిప్యూటీ డైరెక్టర్ (అడ్మిన్.), నార్కోటిక్స్ కంట్రోల్ బ్యూరో, 2వ అంతస్తు, ఆగస్ట్ క్రాంతి భవన్, భికాజీ కామా ప్లేస్, న్యూఢిల్లీ – 110066.

దరఖాస్తు గడువు:

నోటిఫికేషన్ విడుదలైన తేదీ నుంచి 60 రోజులలోపు దరఖాస్తులను సమర్పించాలి. అభ్యర్థులు గడువు తేదీని గమనించి, సమయానికి ముందుగా దరఖాస్తు చేసుకోవాలి.

​సూచనలు:

అభ్యర్థులు అధికారిక నోటిఫికేషన్‌ను పూర్తిగా చదవాలి, అన్ని అర్హతలను పరిశీలించాలి

దరఖాస్తు సమర్పించే ముందు, అన్ని అవసరమైన పత్రాలు, సర్టిఫికేట్లు సిద్ధం చేసుకోవాలి

దరఖాస్తు గడువు తేదీని మర్చిపోకుండా, సమయానికి ముందుగా దరఖాస్తు సమర్పించాలి

ఇవి కూడా చదవండి:

కోతి కోసం వీళ్ల సాహసానికి సెల్యూట్

Plane Crash: న్యూయార్క్ తర్వాత మరో విమాన ప్రమాదం..ముగ్గురు మృతి, ఒకరికి గాయాలు

SVPNPA Job Openings: హైదరాబాద్ పోలీస్ అకాడమీలో డ్రీమ్ జాబ్స్..మీకు అర్హత ఉందా, అప్లై చేశారా

EPFO: పీఎఫ్ ఉద్యోగులకు అలర్ట్..మరింత ఈజీగా UAN నంబర్ పొందే ఛాన్స్..

Viral News: తల్లిదండ్రులను కాదని పెళ్లి చేసుకున్నప్పటికీ..తండ్రి కలను నిజం చేసిన కుమార్తె, ఐదేళ్లకు పునఃకలయిక

Read More Business News and Latest Telugu News