Constipation Effects : 'దీర్ఘకాలిక మలబద్ధకం' తీవ్రమైన వ్యాధిగా మారవచ్చు.. ముప్పు తప్పాలంటే ఇలా చేయండి..
ABN, Publish Date - Feb 09 , 2025 | 11:01 AM
మలబద్ధకం అనేది చాలా మందిని తరచుగా ఇబ్బంది పెట్టే ఒక సాధారణ సమస్య. తీవ్రంగా లేకపోతే ఇంట్లోనే చిన్నపాటి చిట్కాలతో సమస్యకు చెక్ పెట్టవచ్చు. అలా కాకుండా దీర్ఘకాలంగా మలబద్ధకంతో బాధపడుతున్నారంటే కొంచెం ఆలోచించాల్సిందే. ఇలాంటివారికి క్యాన్సర్ సహా అనేక తీవ్ర వ్యాధులు సోకే అవకాశం ఉందని పరిశోధనలు చెబుతున్నాయి. కాబట్టి, వీటిని నివారించేందుకు ఇలా చేయండి.
మలబద్ధకం తరచూ చాలామందిని ఇబ్బందిపెట్టే సమస్యల్లో ఒకటి. జీర్ణక్రియలో మార్పులు, వేళకు తినకపోవడం, సరైన ఆహారపు అలవాట్లు పాటించకపోవడం వంటి కారణాల వల్ల ఏదొక సందర్భంలో ప్రతి ఒక్కరికీ అనుభవమే. సర్వసాధారణంగా కనిపించే సమస్యే కదా అని దీనిని అస్సలు తేలికగా తీసుకోకూడదు. ఎందుకంటే దీర్ఘకాలిక మలబద్ధకం కొన్నిసార్లు క్యాన్సర్‌కు దారితీస్తుంది. ఇతర తీవ్ర వ్యాధులు ప్రబలే అవకాశం ఉంది. కాబట్టి, ఈ సమస్య గురించి తెలుసుకోవడం చాలా ముఖ్యం. అయితే, ఈ కింది పద్ధతులు పాటించడం ద్వారా అనేక మలబద్ధకం సమస్య నుంచి ఉపశమనం పొందవచ్చు.
హైడ్రేటెడ్ గా ఉండండి..
జీర్ణక్రియను మెరుగుపరచడానికి హైడ్రేటెడ్‌గా ఉండటం చాలా ముఖ్యం. అందుకోసం ఎక్కువ నీరు తాగడం చాలా ముఖ్యం. రోజులో కనీసం ఎనిమిది గ్లాసుల నీరైనా తాగాలి. తద్వారా మలబద్ధకం నుంచి ఉపశమనం లభిస్తుంది. కడుపు ఎప్పటికప్పుడు శుభ్రం అయి శరీరం తేలికగా మారడంతో పాటు మీరు ఆరోగ్యంగా ఉంటారు.
ప్రాసెస్ చేసిన ఆహారాలు వద్దు..
ప్రాసెస్ చేసిన ఆహారాలు అన్ని విధాలుగా ఆరోగ్యానికి హానికరం. ఈ ఆహారాలలో అధిక మొత్తంలో అనారోగ్యకరమైన కొవ్వులు, చక్కెర, తక్కువ ఫైబర్ ఉంటాయి. ఈ పదార్థాలు జీర్ణక్రియ నెమ్మదింపజేసి మలబద్ధకానికి కారణమవుతాయి. అందుకే ప్రాసెస్ చేసిన ఆహారాన్ని నివారించండి.
ఆహారంలో ఎక్కువ ఫైబర్ చేర్చుకోండి..
జీర్ణక్రియను మెరుగుపరచడానికి ఫైబర్ చాలా ముఖ్యం, కాబట్టి మలబద్ధకాన్ని నివారించడానికి మీ ఆహారంలో అధిక మొత్తంలో ఫైబర్ చేర్చుకోండి. ఓట్స్, ఆపిల్, బీన్స్‌, తృణధాన్యాలు, కూరగాయలలో మంచి మొత్తంలో ఫైబర్ ఉంటుంది.
సమతుల్య ఆహారం తీసుకోండి..
సమతుల్య ఆహారం మిమ్మల్ని ఆరోగ్యంగా ఉంచడానికి సహాయపడుతుంది. క్రమం తప్పకుండా తినడం కూడా చాలా ముఖ్యం. సమయానికి తినడం సమతుల్య ఆహారం తీసుకోవడం జీర్ణక్రియను మెరుగుపరచడంలో సహాయపడుతుంది. వేళకు తినకపోయినా లేదా ఎక్కువ మొత్తంలో ఒకేసారి తిన్నా జీర్ణవ్యవస్థకు అంతరాయం కలిగి అజీర్ణం లేదా మలబద్ధకం వంటి సమస్యలకు దారితీస్తుంది.
ప్రోబయోటిక్స్..
ప్రోబయోటిక్స్ అనేవి ఆరోగ్యాన్ని మెరుగుపరిచే మంచి బ్యాక్టీరియా. ఇది పెరుగు, కేఫీర్, పులియబెట్టిన కూరగాయలలో కనిపిస్తుంది. ఇవి జీర్ణవ్యవస్థను మెరుగుపరిచి జీర్ణక్రియ సామర్థ్యాన్ని పెంచుతాయి. మలబద్ధకం లక్షణాలను తగ్గిస్తాయి.
ఆహారాన్ని బాగా నమిలి తినండి..
క్రమం తప్పకుండా మంచి ఫుడ్ తినడం ఒక్కటే మలబద్ధకాన్ని తగ్గించదు. తినేటప్పుడు ఆహారాన్ని పూర్తిగా నమలడం కూడా చాలా ముఖ్యం. మీరు మీ ఆహారాన్ని ఎంత బాగా నమిలితే అంత సజావుగా జీర్ణక్రియ జరుగుతుంది. ఎందుకంటే బాగా నమిలి తిన్నప్పుడు ఎక్కువ లాలాజలం ఉత్పత్తి అవుతాయి. ఇందులో జీర్ణక్రియకు సహాయపడే ఎంజైములు ఉంటాయి.
ఇవి కూడా చదవండి..
Healthy Food Item Recipe : త్వరగా బరువు తగ్గాలంటే.. మొలకలు ఇలా చేసుకుని తినండి..
Weight Loss : 9 నెలల్లోనే 32 కిలోలు తగ్గిన మహిళ.. ఇవి తినడం వల్లే అంట..
విదేశీ స్నాక్స్‌ తెగ తినేస్తున్నారు..
Updated Date - Feb 09 , 2025 | 11:01 AM
