1. • Home » National » ISRO Chairman V Narayanan Confirms Chandrayaan 5 Mission Approval Collaborative Launch with Japan Mouni

ISRO: జాబిల్లిపై త్వరలోనే అడుగుపెడతాం.. చంద్రయాన్-5పై ఇస్రో కీలక అప్‌డేట్..

ISRO: చంద్రయాన్-5 మిషన్‌కు సంబంధించి ఇస్రో చీఫ్ వీ నారాయణన్ కీలక అప్‌డేట్ ఇచ్చారు. త్వరలోనే చంద్రునిపై మన దేశ జెండా ఎగరడం ఖాయమని.. చంద్రయాన్-4 తర్వాత చేపట్టబోయే ఈ ప్రతిష్ఠాత్మక ప్రాజెక్టు గురించి ఏమన్నారంటే..

ISRO: చంద్రునిపై ఇస్రో భవిష్యత్తులో చేపట్టబోయే పరిశోధనలపై ఇస్రో గుడ్ న్యూస్ ప్రకటించింది. చంద్రయాన్-4 లాంచింగ్ కాకముందే తర్వాత ప్రయోగం గురించి కీలక ప్రకటన వెలువరించింది. చంద్రునిపై అధ్యయనం చేయడానికి ప్రతిష్ఠాత్మకమైన చంద్రయాన్-5 మిషన్‌కు కేంద్రం ఆమోదం తెలిపినట్లు ఇస్రో చైర్మన్ వి.నారాయణన్ వెల్లడించారు. భారత అంతరిక్ష పరిశోధనా సంస్థ (ఇస్రో) ఛైర్మన్‌గా బాధ్యతలు స్వీకరించిన సందర్భంగా ఆయన గౌరవార్థం చెన్నైలో ఏర్పాటు చేసిన ఓ కార్యక్రమంలో మాట్లాడుతూ.. చంద్రయాన్ ప్రయోగాలపై కీలక వివరాలు తెలిపారు. చంద్రయాన్-5 మిషన్‌కు కేంద్రం ఆమోదం తెలిపిందని.. జపాన్ సహకారంతో ఈ ప్రతిష్ఠాత్మక ప్రాజెక్టు చేపడుతున్నట్లు ప్రకటించారు.

చంద్రయాన్-5 మిషన్ స్పెషాలిటీ ఏంటంటే..‌

చంద్రయాన్-5 ఇదివరకటి మిషన్‌ల కంటే అత్యంత ప్రత్యేకమైందని ఇస్రో చీఫ్ నారాయణన్ తెలిపారు. చంద్రుని ఉపరితలాన్ని అధ్యయనం చేయడానికి 2023లో ప్రయోగించిన చంద్రయాన్-3 25 కిలోల బరువున్న 'ప్రజ్ఞాన్' రోవర్‌ను మోసుకెళ్లగా.. చంద్రయాన్-5 ఏకంగా 250 కిలోల రోవర్‌ను మోసుకెళ్తుందని అన్నారు. మూడు రోజుల క్రితమే మాకు చంద్రయాన్-5 మిషన్‌కు కేంద్రం నుంచి ఆమోదం లభించిందని.. జపాన్‌తో కలిసి ఈ ప్రయోగం నిర్వహిస్తామని నారాయణన్ వెల్లడించారు.

చంద్రయాన్-4 లాంచింగ్ అప్పుడే..

2027లో చంద్రయాన్-4 మిషన్ ద్వారా చంద్రుని నుంచి సేకరించిన నమూనాలను భూమికి తీసుకురావాలని ఇస్రో లక్ష్యంగా పెట్టుకుంది. ISRo భవిష్యత్తులో గగన్‌యాన్‌ సహా వివిధ ప్రాజెక్టులకు ప్రణాళికలు సిద్ధం చేస్తోంది. భారతదేశం స్వంత అంతరిక్ష కేంద్రాన్ని ఏర్పాటు చేసుకోవడమూ ఈ మిషన్లలో ప్రధానమైనది.

ఇస్రో చంద్రయాన్ ప్రయోగాలు..

చంద్రుని ఉపరితలాన్ని అధ్యయనం చేసేందుకు వరస చంద్రయాన్ ప్రయోగాలు చేపడుతోంది ఇస్రో.2008లో తొలిసారి విజయవంతంగా ప్రయోగించిన చంద్రయాన్-1 చంద్రుని రసాయన, ఖనిజ, ఫోటో-జియోలాజిక్ మ్యాపింగ్‌ను తీసుకుంది. చంద్రయాన్-2 మిషన్ (2019) 98 శాతం విజయవంతమైంది. చివరి దశల్లో కేవలం రెండు శాతం అనుకున్న విధంగా సక్సెస్ కాకపోవడమే కారణం. అయితే, ఇప్పటికీ చంద్రయాన్-2 లోని ఆన్‌బోర్డ్ హై రిజల్యూషన్ కెమెరా వందలాది చిత్రాలను పంపుతోందని ఇస్రో చీఫ్ నారాయణన్ స్వయంగా తెలిపారు. ఇక తర్వాత ప్రయోగించిన చంద్రయాన్-3 ప్రయోగం ఇస్రో సాధించిన చారిత్రాత్మక విజయం. ఆగస్టు 23, 2023న చంద్రుని దక్షిణ ధ్రువంపై ల్యాండర్ విక్రమ్ విజయవంతంగా 'సాఫ్ట్-ల్యాండింగ్' చేసి చంద్రయాన్-3 మిషన్‌ను విజయవంతం చేసింది ఇస్రో. చంద్రుని ఉపరితలంపై సురక్షితమైన ల్యాండింగ్, ఎండ్-టు-ఎండ్ సామర్థ్యాన్ని ప్రదర్శించడమే ఈ ప్రయోగ ఉద్దేశం.

Read Also : Call Merging Scam: కొత్త రకం మోసం కాల్ మెర్జింగ్ స్కామ్..అలర్ట్ చేసిన కేంద్రం..

Ayodhya: 400 కోట్ల పన్ను చెల్లించిన అయోధ్య రాముడు

Kharge: డీలిమిటేషన్‌తో దక్షిణాదికి అన్యాయం