Jogi Ramesh: ఓ యజ్ఞంలా జగనన్న కాలనీల్లో ఇళ్ల నిర్మాణాలు

శ్రీకాకుళం: జగనన్న కాలనీల్లో ఇళ్ల నిర్మాణాలు ఓ యజ్ఞంలా జరిగుతున్నాయని గృహనిర్మాణ శాఖామంత్రి జోగి రమేష్ (Minister Jogi Ramesh) తెలిపారు. బుధవారం మీడియాతో మాట్లాడుతూ... జగనన్న కాలనీల్లో నిర్మాణాలు జరగటం లేదని పవన్ (Janasean Chief Pawan Kalyan), చంద్రబాబు (TDP Chief Chandrababu) చేస్తున్న ఆరోపణల్లో వాస్తవం లేదన్నారు. కళ్లు ఉండి కాబోదుల్లా ప్రవర్తిస్తున్న బాబు, పవన్.. జగనన్న కాలనీల్లో ఏమి జరగడం లేదన్న ముద్ర వేసే ప్రయత్నం చేస్తున్నారని మండిపడ్డారు. లబ్దిదారులు అందరూ పవన్‌కు చంద్రబాబు అర్ధమయ్యే రీతిలో సీఎం చేసిన అభివృద్ధిని తెలియజేయాలన్నారు. పేదలకు ఇళ్ల స్థలాలు ఇస్తే చంద్రబాబు శిఖండిలా అడ్డుకున్నారని విమర్శించారు. ప్రభుత్వం పై విషం చిమ్ముతున్నారని మంత్రి జోగిరమేష్ ఆగ్రహం వ్యక్తం చేశారు.