Costa Rica : ఫుల్లర్‌ లేటు గోల్‌
ABN , First Publish Date - 2022-11-28T00:31:14+05:30 IST
కేషల్‌ ఫుల్లర్‌ లేటు గోల్‌తో కోస్టారికా గెలుపు బోణీ చేసింది. గ్రూప్‌-ఈలో ఆదివారం జరిగిన మ్యాచ్‌లో కోస్టారికా 1-0తో జపాన్‌పై గెలిచింది. గత మ్యాచ్‌లో జర్మనీపై స్ఫూర్తిదాయక
జపాన్‌పై నెగ్గిన కోస్టారికా
దోహా: కేషల్‌ ఫుల్లర్‌ లేటు గోల్‌తో కోస్టారికా గెలుపు బోణీ చేసింది. గ్రూప్‌-ఈలో ఆదివారం జరిగిన మ్యాచ్‌లో కోస్టారికా 1-0తో జపాన్‌పై గెలిచింది. గత మ్యాచ్‌లో జర్మనీపై స్ఫూర్తిదాయక ప్రదర్శన చేసిన జపాన్‌..ఈ మ్యాచ్‌లో అదే తరహా ఆటను ప్రదర్శించలేక పోయింది. ఫస్టాఫ్‌లో ఇరు జట్లూ రక్షణాత్మక ఆటకే పరిమితం కాగా.. సెకండా్‌ఫలో జపాన్‌ దాడుల ఉధృతి పెంచింది. కానీ, కోస్టారికా కీపర్‌ కేలర్‌ నవాస్‌ అప్రమత్తతతో ప్రత్యర్థి ఖాతా తెరవలేక పోయింది. మ్యాచ్‌ డ్రా దిశగా సాగుతున్న సమయంలో.. 81వ నిమిషంలో ఫుల్లర్‌ గోల్‌ చేసి కోస్టారికాను 1-0 ఆధిక్యంలో నిలబెట్టాడు. జపాన్‌ డిఫెన్స్‌ లోపాన్ని సద్వినియోగం చేసుకొన్న ఫుల్లర్‌.. 18 మీటర్ల దూరం నుంచి కొట్టిన కిక్‌ నేరుగా వెళ్లి గోల్‌లో పడింది. ఆ తర్వాత జపాన్‌ కొన్ని మెరుపు దాడులు చేసినా.. కీపర్‌ నవాస్‌ సమర్థంగా అడ్డుకోవడంతో కోస్టారికా చివరి వరకు ఆధిక్యాన్ని కాపాడుకోగలిగింది.
