Ashwinidutt: చంద్రబాబు కోసం మేము వచ్చాం.. రాని వారి గురించి వదిలేయండి
ABN, First Publish Date - 2023-09-26T17:47:48+05:30
వచ్చే ఎన్నికల్లో చంద్రబాబు(Chandrababu), పవన్ కళ్యాణ్(Pawan Kalyan) కలిసి సుస్థిర ప్రభుత్వాన్ని ఏర్పాటు చేస్తారని ప్రముఖ సినీ నిర్మాత అశ్వినీదత్(Ashwinidutt) వ్యాఖ్యానించారు.
రాజమండ్రి: వచ్చే ఎన్నికల్లో చంద్రబాబు(Chandrababu), పవన్ కళ్యాణ్(Pawan Kalyan) కలిసి సుస్థిర ప్రభుత్వాన్ని ఏర్పాటు చేస్తారని ప్రముఖ సినీ నిర్మాత అశ్వినీదత్(Ashwinidutt) వ్యాఖ్యానించారు. మంగళవారం నాడు రాజమండ్రిలో పర్యటించారు. ఈ పర్యటనలో నారా భువనేశ్వరి, బ్రాహ్మణిలను పరామర్శించారు. ఈ సందర్భంగా అశ్వినీదత్ మీడియాతో మాట్లాడుతూ..‘‘ వచ్చే ఎన్నికల్లో చంద్రబాబు ఘన విజయం సాధిస్తారు. చంద్ర-సేన 160 సీట్లు సాధిస్తుంది. ఏపీలో దుర్మార్గం ఏ స్థాయిలో ఉందో అర్దమవుతోంది. చరిత్రకెక్కిన మహా నాయకుడు చంద్రబాబును ఇలా జైల్లో పెడతారని ఎవరైనా ఊహిస్తారా..? ఈ ప్రభుత్వంలో అది సాధ్యమైంది. చంద్రబాబు అక్రమ అరెస్ట్‌పై సినీ రంగానికి చెందిన వారు మాట్లాడనంత మాత్రాన ఏం కాదు ...మేం వచ్చాం కదా. రాని వారి గురించి వదిలేయండి’’ అని అశ్వినీదత్ పేర్కొన్నారు.
Updated Date - 2023-09-26T17:53:22+05:30 IST