ఐర్లాండ్‌లో పర్యటించనున్న టీమిండియా.. మ్యాచ్‌ల వివరాలిదిగో!
ABN , First Publish Date - 2023-06-28T10:31:21+05:30 IST
భారత్, ఐర్లాండ్ మధ్య 3 మ్యాచ్‌ల టీ20 సిరీస్ జరగనుంది. ఇందుకోసం భారత జట్టు ఐర్లాండ్‌లో పర్యటించనుంది. వెస్టిండీస్ పర్యటన ముగిసిన 5 రోజుల్లోనే ఐర్లాండ్ పర్యటన ప్రారంభంకానుంది. టీ20 సిరీస్‌లో భాగంగా టీమిండియా వారం రోజులపాటు ఐర్లాండ్‌లోనే ఉండనుంది.
భారత్, ఐర్లాండ్ (india vs Ireland 2023) మధ్య 3 మ్యాచ్‌ల టీ20 సిరీస్ జరగనుంది. ఇందుకోసం భారత జట్టు ఐర్లాండ్‌లో (India's Tour of Ireland) పర్యటించనుంది. వెస్టిండీస్ (West Indies) పర్యటన ముగిసిన 5 రోజుల్లోనే ఐర్లాండ్ పర్యటన ప్రారంభంకానుంది. టీ20 సిరీస్‌లో భాగంగా టీమిండియా (Teamindia) వారం రోజులపాటు ఐర్లాండ్‌లోనే ఉండనుంది. రెండు జట్ల మధ్య ఆగస్టు 18న తొలి టీ20 మ్యాచ్, 20న రెండో టీ20 మ్యాచ్, 23న మూడో టీ20 మ్యాచ్ జరగనుంది. ఈ మ్యాచ్‌లన్నీ మలాహిడే స్టేడియం వేదికగానే జరగనున్నాయి. భారత కాలమానం ప్రకారం మ్యాచ్‌లన్నీ మధ్యాహ్నం 3 గంటలకు ప్రారంభంకానున్నాయి.
ఈ షెడ్యూల్‌పై ఇప్పటివరకు బీసీసీఐ (BCCI) అధికారిక ప్రకటన విడుదల చేయకపోయినప్పటికీ ఐర్లాండ్ క్రికెట్ బోర్డు అధికారికంగా ప్రకటించింది. కాగా ఆగస్టు 13న జరిగే చివరి టీ20 మ్యాచ్‌తో వెస్టిండీస్‌లో భారత జట్టు పర్యటన ముగుస్తుంది. ఆ వెంటనే టీమిండియా ఐర్లాండ్ వెళ్లనుంది. ఇక ఈ సిరీస్‌కు సీనియర్లందరికీ విశ్రాంతినిచ్చి హార్దిక్ పాండ్యా కెప్టెన్సీలోని యువజట్టును పంపించే అవకాశాలున్నాయి. కాగా 2022లో కూడా ఐర్లాండ్‌లో పర్యటించిన టీమిండియా 2 మ్యాచ్‌ల టీ20 సిరీస్ ఆడిన సంగతి తెలిసిందే.
