Slogan Writing: స్లోగన్ రైటింగ్ కాంపిటీషన్.. ఈ నెల 30లోపు పంపి, మనీ గెల్చుకోండి

దేశంలో మహిళా, శిశు అభివృద్ధి మంత్రిత్వ శాఖ MyGov సహకారంతో పోషకాహారం/పోషణపై స్లోగన్ రైటింగ్ పోటీని నిర్వహిస్తోంది. పోషణ, పోషణ్ అభియాన్ లక్ష్యాలను ప్రోత్సహించే మంచి నినాదాలను రూపొందించడమే ఈ పోటీ లక్ష్యం. దీనిలో పాల్గొనేవారు సమతుల్య ఆహారం, ఆరోగ్యకరమైన ఆహారపు అలవాట్లు, అన్ని వయసుల వారికి సరైన పోషకాహారం ప్రయోజనాలను నొక్కి చెప్పే నినాదాలను రాసి పంపించాలి. పోటీలో గెలుపొందిన అభ్యర్థులకు వేల రూపాయల విలువైన బహుమతిని అందజేస్తారు. ఈ పోటీకి దరఖాస్తులను పంపించడానికి చివరి తేదీ సెప్టెంబర్ 30, 2024.

ఇలా దరఖాస్తు

ఆసక్తి గల అభ్యర్థులు అధికారిక వెబ్‌సైట్ mygov.inని సందర్శించాలి. ఆ తర్వాత లాగిన్ టూ పార్టిసిపేట్ ఆప్షన్‌పై క్లిక్ చేసి మీ వివరాలను నమోదు చేసుకోండి. అందించే నినాదం పోషకాహారం ప్రాముఖ్యత, ఆరోగ్యకరమైన ఆహారం, ఆహార వైవిధ్యం, మొత్తం ఆరోగ్యంపై మంచి పోషకాహార ప్రభావం మొదలైన అంశాలపై ఉండాలి. నినాదం లేదా స్లోగన్ గరిష్ట పరిమితి 100 పదాలకు సెట్ చేయబడింది. స్లోగన్ సృజనాత్మకంగా, అసలైనదిగా ఉండాలి. పాల్గొనేవారు తప్పనిసరిగా తమ నినాదాలను PDF/JPG విధానంలో సమర్పించాలి.

అవార్డు

ఈ పోటీలో ఎంపికైన మొదటి విజేతకు రూ.5 వేలు, రెండో విజేతకు రూ.3 వేలు, మూడో విజేతకు రూ.2 వేల ప్రైజ్ మనీ అందజేస్తారు. చట్టవిరుద్ధమైన, అసభ్యకరమైన, రెచ్చగొట్టే లేదా అనుచితమైన విషయాలను పంపించకూడదు.

ఎవరైనా కూడా

• ఈ పోటీ భారతీయ పౌరులందరికీ అందుబాటులో ఉంటుంది

• రిజిస్ట్రేషన్ లేదా సమర్పణ రుసుము అవసరం లేదు

• ఈ పోటీ మహిళలు, పిల్లల మంత్రిత్వ శాఖకు సపోర్ట్ చేస్తుంది

• మీరు రూపొందించిన వాటిని www.mygov.inలో సమర్పించాలి

• మీరు సమర్పించే వాటికి మీరే మేధో సంపత్తి సహా అన్ని హక్కులకు కల్గి ఉండాలి

• నిర్వాహకులకు ప్రచురించడానికి, ఉపయోగించడానికి, స్వీకరించడానికి, సవరించడానికి హక్కు ఉంటుంది

• వాటిని ప్రయోజనాల కోసం ప్రపంచవ్యాప్తంగా, శాశ్వతంగా ఏదైనా మీడియాలో సమర్పణలు, ప్రకటనలు చేసుకుంటారు

• పాల్గొనేవారు తమ MyGov ప్రొఫైల్ పూర్తయిందని నిర్ధారించుకోవాలి

• పోటీని సవరించడానికి లేదా ఉపసంహరించుకోవడానికి నిర్వాహకులకు హక్కు ఉంది

• కమిటీ నిర్ణయమే అంతిమం. తిరిగి మూల్యాంకన అభ్యర్థనలు ఉండవు

• ఈ నిబంధనలు భారతీయ చట్టం ద్వారా నిర్వహించబడతాయి

• పాల్గొనేవారు ఈ నిబంధనలు, షరతులకు అంగీకరించాలి

ఇవి కూడా చదవండి

IMD: నేడు ఈ ప్రాంతాల్లో భారీ వర్షాలు.. ఐఎండీ రెడ్ అలర్ట్

ప్రధాని, సీజేఐ భేటీపై అనుమానాలున్నాయ్‌

హైదరాబాద్‌ టు బ్యాంకాక్‌ విమాన సర్వీసులు

Read MoreNational News and Latest Telugu News