Rishabh Pant: పంత్‌కు తగలరాని చోట తగిలిన బంతి.. కోహ్లీ రియాక్షన్ చూస్తే నవ్వాగదు

IND vs AUS: స్పైడీ రిషబ్ పంత్ తన విలువ ఏంటో మరోమారు చూపించాడు. ఎందుకు తనను ఆపద్బాంధవుడు అని పిలుస్తారో ఇంకోసారి నిరూపించాడు. పెర్త్ టెస్ట్‌లో కష్టసమయంలో బ్యాటింగ్‌కు దిగి అతడు ఆడిన ఇన్నింగ్స్ ఎప్పటికీ గుర్తుండిపోతుంది. స్కోరు బోర్డు మీదకు 60 పరుగులు కూడా చేరకముందే సగం మంది బ్యాటర్లు పెవిలియన్‌కు చేరిన వేళ క్రీజులోకి వచ్చిన పంత్.. సూపర్బ్ నాక్‌తో టీమిండియాను కాపాడాడు. 78 బంతుల్లో 37 పరుగుల విలువైన ఇన్నింగ్స్ ఆడాడు. అయితే పంత్ బ్యాటింగ్ చేస్తున్న సమయంలో టాప్ బ్యాటర్ విరాట్ కోహ్లీ ఇచ్చిన రియాక్షన్ ఇప్పుడు వైరల్ అవుతోంది.

నొప్పి తట్టుకోలేక..

ఇన్నింగ్స్ ఆసాంతం సాలిడ్ డిఫెన్స్‌తో పాటు మంచి స్ట్రోక్ ప్లేతోనూ అలరించాడు పంత్. సాధారణంగా భీకర షాట్లతో విరుచుకుపడే ఈ పించ్ హిట్టర్.. అరడజను మంది బ్యాటర్లు డ్రెస్సింగ్ రూమ్‌కు చేరుకోవడంతో కాస్త మెళ్లిగా ఆడాడు. తాను స్లోగా ఆడుతూ మరో ఎండ్‌లో ఉన్న యంగ్ ఆల్‌రౌండర్ నితీష్ కుమార్ రెడ్డితో హిట్టింగ్‌ చేయించాడు. ఈ క్రమంలో ఓ ఆసీస్ పేసర్ విసిరిన బంతిని పంత్ డిఫెన్స్ చేయబోయాడు. కానీ బంతి అతడి బ్యాట్ ఎడ్జ్‌ను దాటుకొని వెళ్లి తగలరాని చోట తగిలింది. దీంతో అతడు కాసేపు ఇబ్బంది పడ్డాడు. అయితే నొప్పితో బాధపడుతున్న పంత్‌ను చూసి కోహ్లీ నవ్వుకున్నాడు.

నవ్వులే నవ్వుల్..

డ్రెస్సింగ్ రూమ్‌లో కోహ్లీతో పాటు అతడి పక్కనే ఉన్న యువ పేసర్ హర్షిత్ రాణా కూడా నవ్వుల్లో మునిగిపోయాడు. పంత్‌ను చూస్తూ ఏంటిది అనుకుంటూ విరాట్ స్మైల్ ఇచ్చాడు. పక్కన ఉన్న వారికి అది చూపిస్తూ కనిపించాడు. సరిగ్గా ఆ సమయంలో డ్రెస్సింగ్ రూమ్ వైపు కెమెరామెన్ ఫోకస్ చేయడంతో కోహ్లీ నవ్వుల్లో మునిగిపోవడం బయటపడింది. దీన్ని చూసిన కామెంటేటర్లు వసీం అక్రమ్, రవిశాస్త్రి ఆసక్తికర వ్యాఖ్యలు చేశారు. బ్యాటర్లకు తగలరాని చోట బంతి తగిలితే ఎందుకో అందరూ నవ్వుతారని.. తమ జమానాలోనూ ఇలాంటివి జరిగాయని గుర్తుచేసుకుంటూ వాళ్లు కూడా నవ్వుకున్నారు. పంత్‌ను చూసి కోహ్లీ చిన్న పిల్లాడిలా నవ్వుల్లో మునిగిపోయిన ఈ సరదా వీడియో ఇప్పుడు వైరల్ అవుతోంది. దీన్ని చూసిన నెటిజన్స్.. కింగ్ రియాక్షన్ హైలైట్ అని కామెంట్స్ చేస్తున్నారు.

Also Read:

గంభీర్ మాటలతో నెత్తురు మరిగింది: నితీష్ రెడ్డి

కెప్టెన్‌ను మోసం చేసిన నితీష్.. మనోడే అని నమ్మితే..

72 ఏళ్ల తర్వాత ఇదే తొలిసారి.. పెర్త్ టెస్ట్‌లో అరుదైన రికార్డు

For More Sports And Telugu News