PG Seats: నేటి నుంచి పీజీ కౌన్సెలింగ్‌!
ABN, Publish Date - Jul 20 , 2024 | 04:40 AM
రాష్ట్రంలో పీజీ సీట్ల భర్తీకి సంబంధించిన కౌన్సెలింగ్‌ ప్రక్రియను శనివారం నుంచి చేపట్టాలని అధికారులు నిర్ణయించారు.
హైదరాబాద్‌, జూలై 19(ఆంధ్రజ్యోతి): రాష్ట్రంలో పీజీ సీట్ల భర్తీకి సంబంధించిన కౌన్సెలింగ్‌ ప్రక్రియను శనివారం నుంచి చేపట్టాలని అధికారులు నిర్ణయించారు. పీజీఈసెట్‌లో ర్యాంకుల ఆధారంగా సీట్లను భర్తీ చేయనున్నారు. అందులో భాగంగా శనివారం నోటిఫికేషన్‌ జారీ చేసి ఈనెల 30 నుంచి వచ్చేనెల 9వ తేదీ వరకు ఆన్‌లైన్‌ రిజిస్ట్రేషన్‌కు అవకాశం కల్పిస్తారు.
ఆగస్టు 1 నుంచి 3వ తేదీ వరకు రఽధువపత్రాల పరిశీలన చేపడతారు. ఆగస్టు 12, 13వ తేదీల్లో వెబ్ ఆప్షన్ల నమోదు చేసుకునేందుకు, 14న ఆప్షన్లను ఎడిట్‌ చేసుకునేందుకు అవకాశమిస్తారు. 17న సీట్లను కేటాయిస్తారు. సీట్లు పొందిన అభ్యర్థులు ఆగస్టు 18 నుంచి 21వ తేదీ వరకు ఆయా కళాశాలల్లో రిపోర్ట్‌ చేయాలి. ఆ తర్వాత ఆగస్టు 20 నుంచి రెండవ దశ కౌనెల్సింగ్‌ నిర్వహిస్తారు.
Updated Date - Jul 20 , 2024 | 04:40 AM
