Balram Naik: నేను ఎమ్మెల్యేగా గెలిస్తే ఆ పదవి వచ్చేది.. బలరాం నాయక్ షాకింగ్ కామెంట్స్
ABN, Publish Date - Jul 11 , 2024 | 06:48 PM
తాను ఎమ్మెల్యే గా గెలిస్తే హోమ్ మంత్రిని అయ్యేవాడినని కానీ ఎంపీగా పోటీ చేసి, గెలిచానని ఎంపీ బలరాం నాయక్ (Balram Naik) కీలక వ్యాఖ్యలు చేశారు.
హైదరాబాద్: తాను ఎమ్మెల్యే గా గెలిస్తే హోమ్ మంత్రిని అయ్యేవాడినని కానీ ఎంపీగా పోటీ చేసి, గెలిచానని ఎంపీ బలరాం నాయక్ (Balram Naik) కీలక వ్యాఖ్యలు చేశారు. ఈరోజు(గురువారం) గాంధీభవన్‌లో ఆయన మీడియాతో మాట్లాడుతూ.. అసెంబ్లీ ఎన్నికల సమయంలో ఎమ్మెల్యేగా పోటీ చేస్తానంటే.. రేవంత్, ఏఐసీసీ అగ్రనేతలువద్దన్నారని గుర్తుచేశారు.
ఎంపీగా పోటీ చేయాలని సలహా ఇచ్చారని అన్నారు. ఎంపీగా గెలిస్తే కేంద్ర ప్రభుత్వంలో మరోసారి కేంద్ర మంత్రివి అవుతావని ఏఐసీసీ అగ్రనేతలు చెప్పారని అన్నారు. తక్కువ సీట్లతోకేంద్రంలో సర్కార్ రాలేకపోయిందని చెప్పారు. ఐనా రెండేళ్ల తర్వాత మోదీసర్కార్ కూలిపోవచ్చని.. కాంగ్రెస్ కేంద్రంలో పవర్‌లోకి రావచ్చని అన్నారు. ఛామల కిరణ్ కుమార్ రెడ్డి కూడా అవకాశం వస్తే కేంద్రమంత్రి అవుతారని బలరాం నాయక్ తెలిపారు.
Updated Date - Jul 11 , 2024 | 06:48 PM
