Rahul Kumar: ఆంధ్రజ్యోతి ఎడిటర్‌గా రాహుల్‌ కుమార్‌
ABN , Publish Date - Nov 02 , 2024 | 05:32 AM
ఆంధ్రజ్యోతి దినపత్రిక నూతన ఎడిటర్‌గా ఎన్‌.రాహుల్‌ కుమార్‌ బాధ్యతలు స్వీకరించారు. 16 ఏళ్లకుపైగా ఆంధ్రజ్యోతి ఎడిటర్‌గా విశిష్ట సేవలందించిన కె.శ్రీనివాస్‌ ఉద్యోగ విరమణ చేసిన సంగతి తెలిసిందే.
ఎండీ వేమూరి రాధాకృష్ణ సమక్షంలో బాధ్యతల స్వీకరణ
హైదరాబాద్‌ సిటీ, నవంబరు 1 (ఆంధ్రజ్యోతి): ఆంధ్రజ్యోతి దినపత్రిక నూతన ఎడిటర్‌గా ఎన్‌.రాహుల్‌ కుమార్‌ బాధ్యతలు స్వీకరించారు. 16 ఏళ్లకుపైగా ఆంధ్రజ్యోతి ఎడిటర్‌గా విశిష్ట సేవలందించిన కె.శ్రీనివాస్‌ ఉద్యోగ విరమణ చేసిన సంగతి తెలిసిందే. ఈ నేపథ్యంలో, శుక్రవారం జూబ్లీహిల్స్‌లోని ఆంధ్రజ్యోతి ప్రధాన కార్యాలయంలో ఏబీఎన్‌-ఆంధ్రజ్యోతి సంస్థల మేనేజింగ్‌ డైరెక్టర్‌ వేమూరి రాధాకృష్ణ సమక్షంలో ఎడిటర్‌గా రాహుల్‌ కుమార్‌ బాధ్యతలు స్వీకరించారు.
నూతన ఎడిటర్‌ను కె.శ్రీనివాస్‌ అభినందించారు. ఆంధ్రజ్యోతి డైరెక్టర్‌ వేమూరి ఆదిత్య పుష్పగుచ్ఛంతో సత్కరించారు. అసిస్టెంట్‌ ఎడిటర్‌ కృష్ణ ప్రసాద్‌తో పాటు వివిధ విభాగాధిపతులు, ఇతర ఎడిటోరియల్‌ సిబ్బంది రాహుల్‌ కుమార్‌ను కలిసి శుభాకాంక్షలు తెలిపారు.
