Seat Allotment: దోస్త్‌ మూడో దశలో 73,662 మందికి సీట్ల కేటాయింపు..
ABN, Publish Date - Jul 07 , 2024 | 05:37 AM
డిగ్రీ కాలేజీల్లో సీట్ల కేటాయింపునకు ఉద్దేశించిన దోస్త్‌ మూడోదశ కౌన్సెలింగ్‌లో 80,312 మంది దరఖాస్తు చేసుకోగా... 73,662 మంది విద్యార్థులకు సీట్లు కేటాయించారు.
డిగ్రీ కాలేజీల్లో సీట్ల కేటాయింపునకు ఉద్దేశించిన దోస్త్‌ మూడోదశ కౌన్సెలింగ్‌లో 80,312 మంది దరఖాస్తు చేసుకోగా... 73,662 మంది విద్యార్థులకు సీట్లు కేటాయించారు. సీట్లు పొందిన వారు ఈ నెల 7 నుంచి 11వ తేదీ దాకా ఆన్‌లైన్‌లో చెల్లింపులు చేసి ఆన్‌లైన్‌ సెల్ఫ్‌ రిపోర్టింగ్‌ చేయాలని ఉన్నత విద్యామండలి చైర్మన్‌ ఆర్‌.లింబాద్రి, కాలేజీయేట్‌ కమిషనర్‌ ఎ.శ్రీదేవసేన ఓ ప్రకటనలో తెలిపారు. ఫేజ్‌-1, 2, 3లలో సెల్ఫ్‌ రిపోర్టింగ్‌ ద్వారా సీట్లను పొందిన విద్యార్థులంతా ఈ నెల 8 నుంచి 12వ తేదీలోపు కాలేజీకి వెళ్లి తమ సీట్లను ధ్రువీకరించుకోవాలని, ఒకవేళ రిపోర్ట్‌ చేయకపోతే సీట్లను కోల్పోతారని హెచ్చరించారు.
ఈ నెల 15వ తేదీ నుంచి మొదటి సెమిస్టర్‌ క్లాసులు ప్రారంభమవుతాయని తెలిపారు. కేటాయించిన కాలేజీల్లో సీట్లు ధ్రువీకరించుకున్న అభ్యర్థులు ఇంట్రా కాలేజీ సీట్ల కోసం ఈనెల 16 నుంచి 18వ తేదీ దాకా వెబ్ ఆప్షన్లు ఇవ్వాలని, వీరికి ఈనెల 19న సీట్ల కేటాయింపు ఉంటుందని తెలిపారు.
Updated Date - Jul 07 , 2024 | 05:37 AM
