Prasad Kumar: బలగం ఫేమ్‌ కొమురమ్మకు స్పీకర్‌ సాయం..
ABN , Publish Date - Oct 20 , 2024 | 03:13 AM
బలగం సినిమా ఫేమ్‌ కొమురమ్మకు అసెంబ్లీ స్పీకర్‌ గడ్డం ప్రసాద్‌ కుమార్‌ శనివారం రూ.లక్ష సాయం అందించారు.
బలగం సినిమా ఫేమ్‌ కొమురమ్మకు అసెంబ్లీ స్పీకర్‌ గడ్డం ప్రసాద్‌ కుమార్‌ శనివారం రూ.లక్ష సాయం అందించారు. ఇటీవల మంత్రి పొన్నం ప్రభాకర్‌ తండ్రి పొన్నం సత్తయ్య స్మారక అవార్డు ప్రదాన కార్యక్రమంలో పాల్గొన్న ప్రసాద్‌కుమార్‌ ఆ అవార్డు గ్రహీతలైన కొమురమ్మ, మొగిలయ్యల ఆర్థిక పరిస్థితి బాగాలేదని తెలిసి ఆర్థికసాయం చేస్తానని మాటిచ్చారు.
ఈ మేరకు శనివారం కొమురమ్మను తన నివాసానికి పిలిపించుకుని రూ.లక్ష చెక్కును అందించారు. ఈ సందర్భంగా తనకు పెన్షన్‌ ఇప్పించాలని స్పీకర్‌కు కొమురమ్మ విజ్ఞప్తి చేశారు. మంత్రి జూపల్లితో మాట్లాడి పెన్షన్‌ ఇప్పించేందుకు కృషి చేస్తానని స్పీకర్‌ హామీ ఇచ్చారు.
