మలేషియాకు మంత్రి తుమ్మల
ABN , Publish Date - Oct 23 , 2024 | 03:21 AM
రాష్ట్ర వ్యవసాయ శాఖ మంత్రి తుమ్మల నాగేశ్వరరావు మలేషియా పర్యటనకు వెళ్లారు.
రోజులు పర్యటించనున్న మంత్రి, అధికారులు
ఆయిల్‌పామ్‌ సాగు విధానంపై మరింత అధ్యయనం
హైదరాబాద్‌, అక్టోబరు 22 (ఆంధ్రజ్యోతి): రాష్ట్ర వ్యవసాయ శాఖ మంత్రి తుమ్మల నాగేశ్వరరావు మలేషియా పర్యటనకు వెళ్లారు. ఆయిల్‌పామ్‌ సాగు విధానం, నూనె గింజల ఉత్పత్తి... తదితర అంశాలపై అధ్యయనం చేయటానికి మంగళవారం రాత్రి మలేషియా బయలు దేరివెళ్లారు. మూడు రోజుల పాటు అక్కడ పర్యటించనున్నారు. ఉద్యాన శాఖ ద్వారా రాష్ట్రంలో అమలు చేస్తున్న ఆయిల్‌పామ్‌ ప్రాజెక్టును మరింత విజయవంతం చేయటానికిగాను తీసుకోవాల్సిన చర్యలపై ఆయన అధ్యయనం చేయనున్నారు. వ్యవసాయ శాఖ కార్యదర్శి రఘునందన్‌ రావు, ఉద్యానశాఖ కమిషనర్‌ యాస్మిన్‌ భాషా, అధికారులు సరోజిని, ఓఎస్డీ శ్రీధర్‌లు మంత్రితో పాటు వెళ్లారు.
