DSC Students: డీఎస్సీ అభ్యర్థులకు టెట్‌ వివరాల ఎడిట్‌ ఆప్షన్‌
ABN, Publish Date - Sep 12 , 2024 | 03:45 AM
టెట్‌కు సంబంధించిన వివరాలను సవరించుకునేందుకు గాను డీఎస్సీ అభ్యర్థులకు ప్రభుత్వం మరో అవకాశం ఇచ్చింది.
హైదరాబాద్‌, సెప్టెంబరు 11(ఆంధ్రజ్యోతి): టెట్‌కు సంబంధించిన వివరాలను సవరించుకునేందుకు గాను డీఎస్సీ అభ్యర్థులకు ప్రభుత్వం మరో అవకాశం ఇచ్చింది. ఈ మేరకు బుధవారం విద్యాశాఖ అధికారులు ఒక ప్రకటనలో తెలిపారు. డీఎస్సీ కోసం దరఖాస్తు చేసుకున్న అభ్యర్థులు నేడు, రేపు ఈ అవకాశాన్ని ఉపయోగించుకోవాలని సూచించారు. రాష్ట్రంలో ప్రభుత్వం ఇప్పటికే డీఎస్సీ పరీక్షలను నిర్వహించిన సంగతి తెలిసిందే. ఇటీవలే తుది ‘కీ’ని విడుదల చేయగా... ఫలితాలను ప్రకటించాల్సి ఉంది.
ఈ ఫలితాలను వెల్లడించాలంటే అభ్యర్థులకు సంబంధించిన టెట్‌ మార్కుల వెయిటేజిని డీఎస్సీ మార్కుల్లో కలపాల్సి ఉంటుంది. అయితే, అభ్యర్థులు సమర్పించిన టెట్‌ మార్కులు, ఇతర వివరాలు సరిగ్గా లేవని అధికారుల పరిశీలనలో తేలింది. ఈ సమస్యలను పరిష్కరించడం కోసం గురు, శుక్ర వారాల్లో టెట్‌ వివరాలను ఎడిట్‌ చేసి, సరైన సమాచారాన్ని పొందుపరచడానికి వీలుగా ఈ అవకాశం కల్పించారు.
Updated Date - Sep 12 , 2024 | 03:45 AM
