Chandrababu Naidu: 'గత 7 నెలల్లో అసాధ్యమైన పనులను సుసాధ్యం చేశాం'

ABN , Publish Date - Jan 17 , 2025 | 08:11 PM

ఏపీ సీఎం చంద్రబాబు నాయుడు విశాఖ ఉక్కు పరిశ్రమకు కేంద్రం రూ. 11,440 కోట్లు ప్యాకేజీ ప్రకటించిన నేపథ్యంలో కీలక వ్యాఖ్యలు చేశారు. అందరికీ సంక్షేమం, అభివృద్ధి అందించే దిశగా అడుగులు వేస్తూ, దేనికైనా ప్రయత్నిస్తామని చంద్రబాబు అన్నారు.

Chandrababu Naidu

ఆంధ్రప్రదేశ్ ముఖ్యమంత్రి నారా చంద్రబాబు నాయుడు (Chandrababu Naidu), విశాఖ స్టీల్ పరిశ్రమకు సంబంధించి కీలకమైన విషయాలను ప్రకటించారు. ఈ 7 నెలల్లో రాష్ట్రం అద్భుతమైన అభివృద్ధి సాధించినట్లు చెప్పారు. ముఖ్యంగా విశాఖ ఉక్కు పరిశ్రమకు కేంద్రం ప్రకటించిన రూ. 11,440 కోట్ల ప్యాకేజీని స్వాగతిస్తామన్నారు. ఈ సందర్భంగా ప్రధాని నరేంద్ర మోదీ, ఆర్థిక మంత్రి నిర్మలా సీతారామన్, కర్ణాటక మాజీ ముఖ్యమంత్రి కుమారస్వామి తదితరులకూ చంద్రబాబు అభినందనలు తెలియజేశారు. ‘‘విశాఖ ఉక్కు పరిశ్రమ కోసం తెలుగుదేశం పార్టీ ప్రభుత్వం ప్రతీసారి కష్టపడిందని గుర్తు చేశారు. ఇప్పుడు కేంద్రం ఇచ్చిన ప్యాకేజీతో ఈ పరిశ్రమ మరింత బలపడుతుందని వెల్లడించారు.

కేంద్ర, రాష్ట్ర ప్రభుత్వ సమన్వయంతోనే

‘‘విశాఖ స్టీల్ పరిశ్రమ ఆంధ్రప్రదేశ్ ప్రజల హక్కుగా భావించే పరిశ్రమ. గతంలో ఎన్నో సవాళ్లను ఎదుర్కొన్న ఈ పరిశ్రమ, సమన్వయంతో కేంద్రంలోని ఎన్డీయే ప్రభుత్వం, రాష్ట్రంలో తెలుగుదేశం పార్టీ ప్రభుత్వంతో బలంగా కాపాడుకుంది. ఇప్పుడు కూడా ఎంతో పట్టుదలతో, కష్టపడి విశాఖ ఉక్కును ముందుకు తీసుకెళ్లేందుకు కృషి చేస్తున్నాం. ‘గత 7 నెలల్లో, అసాధ్యమైన పనులను సాధించాం. విశాఖ-అనకాపల్లి ప్రాంతాన్ని ఉక్కు నగరంగా తీర్చిదిద్దేందుకు కీలకమైన పరిశ్రమలు, మిట్టల్ వంటి పెద్ద పెట్టుబడులు సమకూర్చడమే కాకుండా, విశాఖ స్టీల్ ప్లాంట్ కూడా త్వరలో మరింత అభివృద్ధి చెందుతుందని సీఎం తెలిపారు.

7 నెలల్లో 4 లక్షల కోట్లు పెట్టుబడులు

అమరావతిని ఏకైక రాజధాని‌గా స్థాపించి, పునర్నిర్మాణం చేపడుతూ రాష్ట్రానికి అవసరమైన నిధులను సమకూర్చడం, పోలవరం ప్రాజెక్టుకు నిధులు పొందడం, డయాఫ్రామ్ వాల్ కోసం శంకుస్థాపన చేయడం, విశాఖ రైల్వే జోన్ ఏర్పాటుకు భూమిని సమీకరించడం వంటి కీలక పథకాలను చేపట్టినట్లు ముఖ్యమంత్రి చెప్పారు. ఈ క్రమంలోనే గడచిన 7 నెలల్లో 4 లక్షల కోట్ల పెట్టుబడులు సాధించినట్లు చంద్రబాబు చెప్పారు. మిట్టల్ పరిశ్రమ, విశాఖ స్టీల్ ప్లాంట్ ద్వారా విశాఖ-అనకాపల్లి ప్రాంతం ఉక్కు నగరంగా అవతరిస్తుందని సీఎం ధీమా వ్యక్తం చేశారు.

ప్రజలకు ఇచ్చిన హామీలు నిలబెట్టుకోవడం

ఈ క్రమంలో ‘‘ప్రజలకు ఇచ్చిన హామీలను నిలబెట్టుకోవడం మా ప్రాధాన్యత. అందరికీ సంక్షేమం, అభివృద్ధి అందించే దిశగా అడుగులు వేస్తూ, దేనికైనా ప్రయత్నిస్తామని చంద్రబాబు అన్నారు. ‘ప్రజలు ఇంకా ఎదురు చూస్తున్న ఆశల్ని తీర్చేందుకు, విశాఖ ఉక్కును కాపాడుకునేందుకు, ఉద్యమ స్పూర్తితో మనం కలసి కట్టుగా కృషి చేద్దామని ఈ సందర్భంగా సీఎం చంద్రబాబు పిలుపునిచ్చారు.

Also Read:

Srisailam: శ్రీశైలంలో ఫిబ్రవరి 19 నుంచి మార్చి 1 వరకు శివరాత్రి బ్రహ్మోత్సవాలు

ఆసుపత్రి రూఫ్‌టాప్‌పై హెలిప్యాడ్

పరాయి వ్యక్తితో కారులో వెళ్తున్న భార్యను వెంబడించిన భర్త.. చివరకు..

మీ కళ్లను ఇలా ఆరోగ్యంగా ఉంచుకోండి..

For More Andhra Pradesh News and Telugu News..

Updated Date - Jan 17 , 2025 | 08:15 PM