కొన్ని అలవాట్లు వయసుతో బేధం లేకుండా ప్రతి వయసువారిలోనూ కనిపిస్తూ ఉంటాయి. మరికొన్ని అలవాట్లు ఎంత మానాలన్నా మానలేకపోవడం కూడా చాలామందిలో గమనించే విషయమే.. అయితే చిన్నపిల్లల్లో కనిపించే సాధారణ అలవాటు నోట్లో వేళ్ళు వేసుకోవడం, చీకడం వంటివి. అదే చిన్నవాళ్ళు పెద్దవాళ్ళు అంతా చేసే పని చేతి గోళ్ళను కొరకడం, ఈ అలవాటు అన్ని వయసులవారిలోనూ చూస్తూనే ఉంటాం. గోళ్ళు కొరికే అలవాటు చిన్న పిల్లల నుంచి పెద్దల వరకూ అందరిలోనూ కనిపిస్తుంది. ఇలా చేయడం వల్ల చేతుల్లోని బ్యాక్టీరియా నోటి ద్వారా పొట్టలోకి చేరి, అనేక ఇబ్బందులకు గురిచేస్తుంది. ఇది అందరికీ తెలిసిన సంగతే..

ఈ అలవాటు కూడా ఆత్మవిశ్వాసంపై ప్రతికూల ప్రభావాన్ని చూపుతుంది. గోళ్లను పళ్లతో పదే పదే కొరకడం వల్ల అవి పొట్టిగా, గరుకుగా కనిపించడం మొదలవుతుంది. ఈ కారణంగా, చాలా అందమైన చేతులు కూడా అందం చెడిపోతాయి. ఈ పరిస్థితిలో ఎవరితోనైనా షేక్ హేండ్ చేయవలసి వచ్చినప్పుడు చేతులను ముందుకి కదిలించవలసి వచ్చినప్పుడు, ఇబ్బంది పడతారు. అయితే, ఈ చెడు అలవాటును కొన్ని పద్ధతుల ద్వారా వదిలించుకోవచ్చు.

ఇలా చేసి చూడండి.

గోరు కొరకడం వెనుక కారణం ఏమిటి?

ఉదాహరణకు, చాలా ఒత్తిడి, ఆందోళనకు గురవుతున్నప్పుడు, గోరు కొరికే అలవాటును మొదలుపెడతారు. ఇలాంటి పరిస్థితులు ఎదురైన ప్రతి సారీ గోర్లు కొరుకుతూ ఉంటారు.నెమ్మదిగా ఇది అలవాటుగా మారుతుంది.

నెయిల్ పాలిష్ వేస్తూ ఉండండి.

గోళ్లపై నెయిల్ పాలిష్ వేసే అలవాటు ఆడవారిలో ఎక్కువగా ఉంటుంది. ఇది అందాన్ని పెంచడమే కాకుండా, ఈ గోళ్లు కొరికే అలవాటు కూడా నెమ్మదిగా తగ్గే అవకాశం ఉంది. మొదటిది: అందమైన గోళ్ళకు ఉన్న నెయిల్ పాలిష్ పోతుందనే కారణంగా గోళ్ళను నోట్లో పెట్టుకునే ప్రయత్నం చేయరు. దీనితో కాస్త గోళ్ళు కొరికే అలవాటు కంట్రోల్ కావచ్చు. ఇదే అలవాటు మగవారిలో ఎక్కువగా ఉంటే వాళ్ళు కూడా పారదర్శక నెయిల్ పాలిష్‌ని ఉపయోగించవచ్చు.

ఇది కూడా చదవండి: జుట్టు గురించి కంగారు పడి ఎన్నో మెడిసిన్స్ వాడి ఉంటారు.. కానీ రూ.10 పెట్టి వీటిని కొని.. ఒక్కసారి ట్రై చేసి చూస్తే..!

గోర్లు చిన్నగా ఉంచండి.

గోళ్లను చిన్నగా కట్ చేయడం వల్ల కూడా గోళ్లను కొరికే అలవాటు తగ్గుతుంది. నెయిల్ ఆర్ట్ సహాయం కూడా తీసుకోవచ్చు. ఇలా చేయడం కూడా కొరికే అలవాటును తగ్గిస్తుంది.

ఈ పద్ధతులు కూడా ఉపయోగపడతాయి.

1. గోళ్లు కొరుకుతామనే బలమైన కోరిక వచ్చినప్పుడల్లా, నోటిలో బబుల్‌గమ్‌ను పెట్టుకుని నమలడం మొదలుపెట్టడం మంచిది.

2. గోరు కొరికే అలవాటును గమనించినట్లయితే చుట్టూ ఉన్నవారిని ఆపమని చెప్పమనండి.

3. గోరు కొరకడం అనేది మానసిక, భావోద్వేగ పరిస్థితి కారణంగా జరిగిందని భావిస్తే, నిపుణుల సహాయం తీసుకోవడానికి వెనుకాడకండి.