MLC Kavitha: తెలంగాణను గాంధీ కుటుంబం నిండా ముంచింది

నిజామాబాద్: తెలంగాణను గాంధీ కుటుంబం నిండా ముంచిందని ఎమ్మెల్సీ కల్వకుంట్ల కవిత ( MLC Kavitha ) వ్యాఖ్యానించారు. ఆదివారం నాడు బోధన్‌లో రోడ్ షో నిర్వహించారు. ఈ సందర్భంగా కవిత మాట్లాడుతూ...‘‘ ఏఐసీసీ అగ్ర నేత రాహుల్‌గాంధీ తెలంగాణ రాష్ట్రానికి వచ్చి బిర్యాని, పాన్ తిని వెళ్లిపోతారు. గాంధీలు చుట్టపు చూపుగా తెలంగాణ రాష్ట్రానికి ఇలా వచ్చి పోతుంటారు. కాంగ్రెస్ పార్టీకి అండగా నిలిచిన ప్రతిసారి తెలంగాణను గాంధీ కుటుంబం నిండా ముంచింది. తెలంగాణకు గాంధీ కుటుంబం తీరని మోసం చేసింది. వందలాది మంది యువతను కాంగ్రెస్ పార్టీ బలితీసుకుంది. ప్రత్యేక తెలంగాణ ఆలస్యం కావడంతో అనేక మంది ఆత్మబలిదానాలు చేసుకున్నారు. ప్రశాంతంగా ఉన్న తెలంగాణలో కాంగ్రెస్ చిచ్చు పెట్టే ప్రయత్నం చేస్తోంది. నీళ్లు ఇచ్చేవాళ్లు కావాలా లేదా కన్నళ్లు ఇచ్చేవాళ్లు కావాలా ? రైతు బంధు కావాలా లేదా రాబంధు కావాలా ? కాంగ్రెస్ మూడు గంటల కరెంటు కావాలా... బీఆర్ఎస్ 24 గంటల కరెంటు కావాలా ? కాంగ్రెస్ పాలనలో చూసిన దారుణమైన పరిస్థితులు కావాలా ’’ అని కవిత ప్రశ్నించారు.

మరిన్ని పోరు తెలంగాణ వార్తల కోసం ఇక్కడ క్లిక్ చేయండి