AP Election 2024: పిల్ల సైకో వంశీ తోక కత్తిరిస్తా.. చంద్రబాబు మాస్ వార్నింగ్
ABN, Publish Date - May 10 , 2024 | 04:43 PM
తెలుగుదేశం కంచుకోట గన్నవరంలో వైసీపీ సైకోల ఆటలు ఇక సాగవని తెలుగుదేశం జాతీయ అధ్యక్షుడు, మాజీ ముఖ్యమంత్రి నారా చంద్రబాబు నాయుడు (Nara Chandrababu Naidu) హెచ్చరించారు. ఈ ఎన్నికల్లో ఫ్యాన్ (వైసీపీ) తిరిగితే ప్రజల మెడకు ఉరేనని అన్నారు. రేపు సాయంత్రం 4గంటలకు రాష్ట్ర వ్యాప్తంగా ప్రజలంతా రోడ్ల పైకి వచ్చి జగన్ ఫొటో ఉన్న పాస్ పుస్తకాల నకళ్లను తగలబెట్టాలని పిలుపునిచ్చారు.
గన్నవరం: తెలుగుదేశం కంచుకోట గన్నవరంలో వైసీపీ సైకోల ఆటలు ఇక సాగవని తెలుగుదేశం జాతీయ అధ్యక్షుడు, మాజీ ముఖ్యమంత్రి నారా చంద్రబాబు నాయుడు (Nara Chandrababu Naidu) హెచ్చరించారు. ఈ ఎన్నికల్లో ఫ్యాన్ (వైసీపీ) తిరిగితే ప్రజల మెడకు ఉరేనని అన్నారు. రేపు సాయంత్రం 4గంటలకు రాష్ట్ర వ్యాప్తంగా ప్రజలంతా రోడ్ల పైకి వచ్చి జగన్ ఫొటో ఉన్న పాస్ పుస్తకాల నకళ్లను తగలబెట్టాలని పిలుపునిచ్చారు. పోస్టల్ బ్యాలెట్ లో 90శాతం ఓట్లు కూటమికే పడ్డాయని చంద్రబాబు అభిప్రాయం వ్యక్తం చేశారు.
AP Election 2024: వైసీపీ కోసం.. లూప్‌లైన్‌ ‘వ్యూహం’
శుక్రవారం గన్నవరంలో ఎన్నికల ప్రచారం నిర్వహించారు. ప్రజాగళం వేదికగా వైసీసీ ప్రభుత్వం, సీఎం జగన్ పై చంద్రబాబు తీవ్ర విమర్శలు గుప్పించారు. రేపు వైసీపీ అభ్యర్థులు పంచే డబ్బును ప్రజాచైతన్యంతో తిప్పికొట్టాలని పిలుపునిచ్చారు. డిపాజిట్లు కూడా రాకుండా వైసీపీ అభ్యర్థులను ఈ ఎన్నికల్లో ఓడించాలని అన్నారు. ఎగిరెగిరి పడుతున్న పిల్ల సైకో వంశీ తోక కత్తిరిస్తానని చంద్రబాబు వార్నింగ్ ఇచ్చారు.
తిన్నింటి వాసాలు లెక్కపెట్టిన దుర్మార్గుడు ఎమ్మెల్యే వంశీ అని మండిపడ్డారు. కూటమి శ్రేణుల స్ఫూర్తి చూసి వరుణదేవుడు సైతం చిన్నబోయాడని అన్నారు. గన్నవరంలో పడుతున్న వర్షం.. ఈ ఎన్నికల్లో కూటమి విజయానికి శుభ సూచికమని అన్నారు. భారీ వర్షంలోనూ స్ఫూర్తి చాటిన గన్నవరం ప్రజాభిమానాన్ని గుండెల్లో పెట్టుకుంటానని చంద్రబాబు ఉద్ఘాటించారు.
AP Election 2024 : విజన్ X విధ్వంసం.. చంద్రబాబు, జగన్‌కు తేడా ఇదే
Read Latest AP News And Telugu News
Updated Date - May 10 , 2024 | 05:00 PM
