Fire Accident: ఎన్టీటీపీఎస్‌లో భారీ అగ్నిప్రమాదం.. గోప్యంగా ఉంచిన అధికారులు..
ABN , Publish Date - Mar 19 , 2025 | 12:03 PM
ఇబ్రహీంపట్నం ఎన్టీటీపీఎస్ కోల్ ప్లాంట్‌లో బుధవారం తెల్లవారుజామున అగ్నిప్రమాదం చోటు చేసుకుంది. అధికారుల నిర్లక్ష్యం కారణంగా కన్వేయర్ బెల్ట్ దగ్ధమైనట్లు తెలుస్తోంది.
ఎన్టీఆర్ జిల్లా: ఇబ్రహీంపట్నం ఎన్టీటీపీఎస్(NTTPS) కోల్ ప్లాంట్‌లో ఇవాళ (బుధవారం) తెల్లవారుజామున భారీ అగ్నిప్రమాదం(Fire Accident) సంభవించింది. ఎన్టీటీపీఎస్ అధికారుల నిర్లక్ష్యంతో స్టేజ్-1 బంకర్‌కి వెళ్లే కన్వేయర్ బెల్ట్(Conveyor Belt) 40 మీటర్ల మేర దగ్ధమైనట్లు తెలుస్తోంది. ఈ ప్రమాదంతో 420 యూనిట్ల మేర విద్యుత్ నిలిపివేసే అవకాశం ఉన్నట్లు సమాచారం. అయితే పెద్దఎత్తున ప్రమాదం జరిగినప్పటికీ విషయాన్ని బయటకు పొక్కకుండా అధికారులు గోప్యంగా ఉంచినట్లు తెలుస్తోంది.
