Aviation Industry Growth: 2030 నాటికి 100 కొత్త విమానాలు
ABN , Publish Date - Apr 05 , 2025 | 03:59 AM
క్యాథే పసిఫిక్‌ విమానయాన సంస్థ 100 కొత్త తరం విమానాలను సమకూర్చుకుంటున్నట్లు ప్రకటించింది. ఈ విమానాల కొనుగోలుకు 10 వేల కోట్ల హాంకాంగ్‌ డాలర్ల పెట్టుబడిని వ్యయం చేస్తుందని, 2027 నాటికి డెలివరీ ప్రారంభమై 2030 నాటికి పూర్తవుతుందని సంస్థ పేర్కొంది
క్యాథే పసిఫిక్‌ రీజినల్‌ మేనేజర్‌ రాకేశ్‌ రాయికర్‌
హైదరాబాద్‌ (ఆంధ్రజ్యోతి బిజినెస్‌): క్యాథే పసిఫిక్‌ విమానయాన సంస్థ 100 కొత్త తరం విమానాలు సమకూర్చుకుంటోంది. రాబోయే ఐదు సంవత్సరాల కాలానికి తాము నిర్దేశించుకున్న 10 వేల కోట్ల హాంకాంగ్‌ డాలర్ల (ప్రస్తుత మారకపు విలువలో 1,286 కోట్ల అమెరికన్‌ డాలర్లు) పెట్టుబడిలో ఈ విమానాల కొనుగోలు కూడా ఒక భాగమని కంపెనీ రీజినల్‌ జీఎం రాకేశ్‌ రాయికర్‌ తెలిపారు. ఇటీవల దేశంలో యాపిల్‌ ఉత్పత్తులు ప్రారంభం కావడంతో పాటు ఫార్మా ఎగుమతుల మద్దతుతో ఈ ఏడాది దక్షిణ భారతం నుంచి కార్గో వృద్ధి 25ు ఉంటుందని భావిస్తున్నట్టు ఆయన చెప్పారు. గత ఏడాది తాము వివిధ గమ్యాలకు తరలించిన కార్గోలో 43ు చెన్నై, బెంగళూరు, హైదరాబాద్‌ నగరాలదేనని ఆయన తెలిపారు. తెలంగాణలో ఫాక్స్‌కాన్‌ తయారీ కేంద్రం ఏర్పాటవుతున్న నేపథ్యంలో ఇక్కడి నుంచి కార్గో రవాణా మరింతగా పెరుగుతుందని భావిస్తున్నట్టు కంపెనీ కార్గో విభాగం రీజినల్‌ హెడ్‌ రాజేష్‌ మీనన్‌ అన్నారు.
తాము కొత్తగా సమకూర్చుకుంటున్న 100 విమానాల డెలివరీ 2027లో ప్రారంభమై 2030 నాటికి పూర్తవుతుందని రాయికర్‌ చెప్పారు. హైదరాబాద్‌ నుంచి హాంకాంగ్‌కు తాము ప్రస్తుతం వారంలో మూడు సర్వీసులు నడుపుతున్నామని, సెప్టెంబరు 1 నుంచి వీటి సంఖ్య 5కి పెంచుతామని రాయికర్‌ వెల్లడించారు.
ఇవి కూడా చదవండి:
Donald Trump: డొనాల్డ్ ట్రంప్‌కి మరో దెబ్బ.. అమెరికా వస్తువులపై కూడా 34% సుంకం..
Business Idea: మహిళలకు బెస్ట్..లక్ష పెట్టుబడితో వ్యాపారం, నెలకు రూ.3 లక్షల ఆదాయం..
Loan Charges: ఏప్రిల్‌లో పర్సనల్ లోన్స్‌పై ప్రధాన బ్యాంకులు వసూలు చేసే వడ్డీ రేట్లు
Read More Business News and Latest Telugu News
