దుఃఖం అడ్డుపడ్డ పద్యం

పద్యం గొంతులో పెను దుఃఖం ఏదో అడ్డుపడింది

అందమైన, సొగసు పదాల్ని పలుక లేక

దాని పెదవులు వణికాయి

సముద్రపు చీకటి అగాధాలవలే ఎంతో లోతైన

మహాపర్వత శిఖరాలవలే అత్యున్నతమైన

చిక్కటి చీకటి కారడవుల వలే అతివిస్తారమైన

‘కోల్పోవడం, కోరుకోవడం’

అనే అతి క్లుప్త, అత్యంత బరువైన

రెండు మహా పదాల శబ్దాలు

మనిషి హృదయంలో నుండి పలికిన

సన్నటి దుఃఖ జీర వలే దానికి వినపడ్డాయి

ఆ రెండు సర్వోత్కృష్ట

పదాల మధ్య

కవిత్వం ఒక ఊగే ఆశల వంతెనను కడుతుంది

ఆ తరువాత, అనేక మార్లు

వికసించి, వాడి, రాలిపోయి,

పునర్జీవించే జీవితం చేయి పట్టుకుని

ఆ వంతెనపై కవిత్వం మెల్లిగా నడిచింది

మానవ మహా విషాదాన్ని అనునిత్యం

అతి దగ్గరగా చూసే

పద్యం గొంతులో ఎప్పుడూ

దుఃఖ సుడిగుండాలు అడ్డుపడతాయి

వణికే దాని పెదవులు

అయినా పలుకుతాయి ఇలా

జీవించు, పోరాడు, జీవించు

విమల

ఇవి కూడా చదవండి..

Pamban Bridge: పాంబన్ వంతెనను ప్రారంభించిన మోదీ

Roller Coaster Tragedyl: మరికొన్ని నెలల్లో పెళ్లి.. సరదా ప్రాణం తీసింది

Indian Air Force: నాలుగు రోజుల్లోనే ఎయిర్ ఫోర్స్‌కు మరో పెద్ద దెబ్బ

For National News And Telugu News