Saleswaram Jatara: సలేశ్వరం జాతర షురూ.. పోటెత్తిన భక్తజన సందోహం
ABN, Publish Date - Apr 13 , 2025 | 07:57 AM
ప్రతీ ఏడాది చైత్ర పౌర్ణమికి భక్తులకు సలేశ్వరం లింగమయ్య స్వామి దర్శనమిస్తారు. లింగమయ్య స్వామిని దర్శించుకోవడానికి రెండు తెలుగు రాష్టాల నుంచే కాకుండా కర్ణాటక, మహారాష్ట తదితర రాష్టాల నుంచి పెద్ద ఎత్తున భక్తులు తరలి వస్తున్నారు. మూడు రోజుల పాటు ఈ జాతర వైభవంగా జరుగనుంది.
1/13
ప్రతీ ఏడాది చైత్ర పౌర్ణమికి భక్తులకు సలేశ్వరం లింగమయ్య స్వామి దర్శనమిస్తారు.
2/13
లింగమయ్య స్వామిని దర్శించుకోవడానికి రెండు తెలుగు రాష్టాల నుంచే కాకుండా కర్ణాటక, మహారాష్ట తదితర రాష్టాల నుంచి పెద్ద ఎత్తున భక్తులు తరలి వస్తున్నారు. మూడు రోజుల పాటు ఈ జాతర వైభవంగా జరుగనుంది.
3/13
ఫరాహాబాద్ చౌరస్తా నుంచి దాదాపు 18 కిలోమీటర్ల దట్టమైన అటవీ మార్గంలో భక్తులు వెళ్లి లింగమయ్య స్వామిని దర్శించుకుంటారు.
4/13
రాంపూర్‌ పెంట వరకు వాహనాల్లో వెళ్లి అక్కడి నుంచి మోకాళ్ల కురువ ప్రాంతం వరకు స్థానికంగా ఉండే ఆటోల్లో వెళ్తారు. అక్కడినుంచి కాలినడకన మహిమాన్విత లింగమయ్య స్వామిని దర్శించుకుంటున్నారు.
5/13
మొదటి రోజు అన్నిదారులు సలేశ్వరం వైపే అన్నట్లుగా పెద్ద ఎత్తున ద్విచక్ర వాహనాలు, ఆటోలు, కార్లు, బస్సులు తరలి వెళ్లాయి.
6/13
సలేశ్వరం జాతరకు అధికారులు అన్ని ఏర్పాట్లు చేశారు. అనారోగ్య సమస్యలు ఉన్నవారు తగు జాగ్రత్తలు తీసుకోవాలని వైద్యులు సూచిస్తున్నారు.
7/13
ఫరాహాబాద్, రాంపూర్‌, మోకాళ్ల కురువ వద్ద ప్రత్యేక శిబిరాలను ఏర్పాటు చేసి వైద్య సేవలు అందిస్తున్నారు.
8/13
ఆర్‌అండ్‌బీ అధికారులు మహిళలకు ప్రత్యేకంగా మరుగుదొడ్లు, మూత్రశాలలు ఏర్పాటు చేశారు.
9/13
మోకాళ్ల కురువ సమీపంలో అన్నప్రసాదాల పంపిణీకి వివిధ స్వచ్ఛంద సంస్థల నిర్వాహకులు ఏర్పాట్లు చేశారు.
10/13
ప్రతి సంవత్సరం చైత్ర పౌర్ణమికి అటు రెండు రోజులు, ఇటు రెండు రోజులు సలేశ్వర స్వామి ఆలయాన్ని తెరిచి ఉంచే అనవాయితీ కొన్ని ఏళ్లుగా కొనసాగింది. ప్రస్తుతం మూడు రోజులే ఈ జాతరకు అనుమతి ఇచ్చారు.
11/13
స్వచ్ఛంద సంస్థలు భక్తులకు పండ్లు, ఫలహారాలతో పాటు రాగిజావ, మజ్జిగ, అన్నప్రసాదాలను అందజేశారు.
12/13
లింగమయ్య దర్శనం కోసం 6నుంచి 8గంటల సమయం పడుతుంది. సలేశ్వర జాతర చరిత్రలో ఈ ఏడాది వచ్చిన భక్తులు ఎప్పుడూ రాలేదని సంబంధిత అధికారులు తెలిపారు.
13/13
దట్టమైన అభయారణ్యంలో రెండు కొండల నడుమ వేయ్యి అడుగుల లోతులో కొండ గుహలో ఉన్న మహిమాన్విత లింగమయ్యస్వామిని దర్శించుకుంటే తమ కోరికలు తీరుతాయని భక్తులు విశ్వసిస్తున్నారు.
Updated at - Apr 13 , 2025 | 08:19 AM
