భోగ భాగ్యాల భోగి

మహబూబ్‌నగర్‌, జనవరి 13: మూడ్రోజుల సంక్రాంతి వేడుకల్లో భాగంగా బుధవారం భోగి పండుగను జిల్లా ప్రజలు ఘనంగా జరుపుకు న్నారు. పట్టణాలు, నగరాల నుంచి ప్రజలు ఊళ్లకు చేరుకోవడంతో సందడిగా మారాయి. భోగి సందర్భంగా గ్రామాలతో పాటు జిల్లా కేంద్రంలోని పలు కాలనీల్లో భోగి మంటలను వేశారు. పాత వస్తువులను అందులో వేసి, తగులబెట్టారు. ఇళ్ల ముందు రంగు రంగుల ముగ్గులను వేశారు. ముగ్గుల మధ్యలో గొబ్బె మ్మలు, రేగుపళ్లు, నవధాన్యాలు ఉంచారు. పిండి వంటలు చేసి, ఆరగించారు. పండుగ సంద ర్భంగా కొన్ని చోట్ల జాతరలు, ఉత్సవాలు నిర్వ హిస్తున్నారు. జిల్లా కేంద్రంలో కలెక్టర్‌ వెంకట్రావు భోగి మంటల కార్యక్రమంలో పాల్గొన్నారు. పద్మావతికాలనీలో భోగి మంటలు వేశారు. శుక్రవారం సంక్రాంతిని జరుపుకునేందుకు ఏర్పాట్లు చేసుకున్నారు.