అవయవ దానం అంటే ఒక వ్యక్తి తన అవయవాన్ని చట్టబద్ధంగా, దాత సజీవంగా ఉన్నప్పుడు సమ్మతితో అలాగే మరణించిన తర్వాత బంధువుల సమ్మతితో తొలగించి అవసరమైన వారికి అమర్చేలా దానం చేయడం. ఈ సాధారణ మార్పిడిలో కళ్లు, మూత్రపిండాలు, గుండె, కాలేయం, ప్యాంక్రియాస్, ప్రేగులు, ఊపిరితిత్తులు, ఎముకలు, ఎముక మజ్జ, చర్మం, కార్నియాలు ఉన్నాయి. వీటన్నింటిని ఒక వ్యక్తి తన శరీరం నుంచి ఇతరులకు అమర్చేందుకు వీలుంటుంది. అయితే ఈ అవయవదానం విషయంలో చాలా అపోహలున్నాయి. ఎలాంటి వారు ఈ అవయవదానం చేయాలి. ఏదైనా దీర్ఘకాలిక వ్యాధితో బాధపడుతున్నవారు అవయవదానం చేయచ్చా వంటి విషయాలను గురించి తెలుసుకుందాం.

అవయవ దానానికి సంబంధించిన అపోహలు:

చాలా మంది ఈ లోకాన్ని విడిచిపెట్టిన తర్వాత తమ అవయవాలను దానం చేస్తానని ప్రతిజ్ఞ చేస్తారు. అవయవ దానం వెనుక అనేక అపోహలు కూడా దానితో ముడిపడి ఉన్నాయి. ఈ అపోహలను నమ్మడం వల్ల చాలా మంది అవయవ దానం పట్ల భయపడుతున్నారు.

అవయవ దానానికి సంబంధించిన అపోహలు, సత్యాలు

1. అవయవ దానానికి సంబంధించిన మొదటి అపోహ ఏమిటంటే, వృద్ధులు అవయవాలను దానం చేయలేరని అంటూ ఉంటారు. నిజానికి అవయవాలు 80 సంవత్సరాల వయస్సు వరకు సక్రమంగా పనిచేస్తే, అలాంటివారు అవయవాలను దానం చేయవచ్చు.

2. మరొక అపోహ ఏమిటంటే, చిన్న పిల్లలకు అవయవాలను దానం చేయలేము. ఇది సరికాదు, చిన్న పిల్లలకు కూడా అవయవదానం చేయొచ్చు.

ఇది కూడా చదవండి: రాత్రిళ్లు సరిగా నిద్రపట్టడం లేదా..? అయితే బెడ్ ఎక్కడానికి ముందే ఈ ఒక్క పని చేస్తే..!

3. మూడవ అపోహ ఏమిటంటే, వ్యాధులు ఉంటే, అవయవాన్ని దానం చేయలేరు. నిజానికి చాలా వ్యాధులలో అవయవాలను దానం చేయవచ్చు. కానీ తీవ్రమైన ఇన్ఫెక్షన్ వచ్చినప్పుడు మాత్రమే అవయవ దానం చేయలేము.

4. నాల్గవ అపోహ ఏమిటంటే, బ్రెయిన్ డెడ్ అయితే అవయవాలను దానం చేయాలా వద్దా అనేదానికి సంబంధించినది. ఈ పరిస్థితిలో అవయవాలను దానం చేయవచ్చు.

5. ఐదవ అపోహ ఏమిటంటే, హెచ్‌ఐవి, హెపటైటిస్ ఉన్న రోగులు అవయవాలను దానం చేయలేరు. కానీ అలాంటి రోగులకు సరైన చికిత్స అందిస్తే అవయవాలను దానం చేయవచ్చనేది నిజం. ఇటువంటి రోగుల అవయవం అదే వ్యాధి రోగికి అమరుస్తారు.

6. ఆరవ అపోహ ఏమిటంటే.. అవసరం పడగానే అవయవదానం జరుగుతుందా? ఇలా అస్సలు జరగదు. ఒక అవయవం అందుబాటులోకి వచ్చినప్పుడు, స్థానిక అవయవ సేకరణ సంస్థ వైద్య, సామాజిక, జన్యుపరమైన సమాచారాన్ని UNOSకు పంపుతుంది. UNOS అటువంటి కారకాల ఆధారంగా సంభావ్య గ్రహీతల జాబితాను రూపొందిస్తుంది. దీని తర్వాత అవయవాలు అవసరంలో ఉన్నారనే జాబితాతో పోల్చి అప్పుడు మాత్రమే లిస్ట్ ప్రకారం అవయవాన్ని అమరుస్తారు.