ఈ ఆహారాలు తినండి.. ఎన్నేళ్లు అయినా జుట్టు నెరవదు..!
ABN, Publish Date - Aug 21 , 2024 | 03:34 PM
మనిషి వయసును అంచనా వేయడానికి రూపాన్ని కొలమానంగా తీసుకుంటారు. చర్మం ముడతలు పడటం, జుట్టు నెరిసిపోవడం ఈ కోవకు చెందినవే.. కానీ ఈ మధ్యకాలంలో పెద్ద చిన్న వయసుతో సంబంధం లేకుండా చిన్న వయసులోనే జుట్టు నెరిసిపోవడం చూస్తున్నాం. దీన్నే అకాలంగా జుట్టు నెరవడం అంటారు. అకాలంగా నెరిసే జుట్టును ఈ కింది ఆహారాలు తీసుకోవడం ద్వారా నల్లగా మార్చుకోవచ్చు.
1/7
అకాలంగా నెరిసే జుట్టును ఈ కింది ఆహారాలు తీసుకోవడం ద్వారా నల్లగా మార్చుకోవచ్చు.
2/7
పాలకూర.. జుట్టు అకాలంగా నెరవడం ప్రారంభించినట్టు అయితే ఆహారంలో పాలకూర తీసుకోవడం బాగా సహాయపడుతుంది. పాలకూర, తోటకూర, మునగకూర వంటివి జుట్టు నెరిసిపోవడాన్ని తగ్గిస్తాయి. తిరిగి జుట్టు నల్లగా మారేందుకు సహాయపడతాయి.
3/7
బెర్రీలు.. బెర్రీ జాతికి చెందిన పండ్లలో యాంటీ ఆక్సిడెంట్లు అధికంగా ఉంటాయి. ఇవి జుట్టుకు లోపలి నుండి ముదురు రంగును అందించడంలో సహాయపడతాయి. వీటిలో ఉండే విటమిన్లు రోగనిరోధక శక్తిని కూడా పెంచుతాయి. స్ట్రాబెర్రీలు, బ్లాక్ బెర్రీలు, బ్లూబెర్రీలు వంటివి తినాలి.
4/7
తృణధాన్యాలు.. తృణధాన్యాలు ఆహారంలో చేర్చుకుంటే జుట్టు ఆరోగ్యంగా ఉంటుంది. బ్రౌన్ రైస్, క్వినోవా మొదలైనవాటిలో జింక్, విటమిన్-బి, ఐరన్ పుష్కలంగా ఉంటాయి. ఇవి జుట్టును నల్లబరుస్తాయి.
5/7
డ్రై నట్స్.. బాదం, వాల్నట్స్, చియా గింజలలో బయోటిన్ ఉంటుంది. ఇది జుట్టు తొందరగా నెరసిపోయే స్వభావంను దూరం చేస్తుంది.
6/7
ఉసిరి.. ఉసిరికాయను లేదా ఉసిరి జ్యూస్ లేదా ఉసిరి పొడిని రోజూ ఆహారంలో భాగం చేసుకుంటే జుట్టు నల్లగా మారుతుంది. ఉసిరి కొల్లాజెన్ ఉత్పత్తిని పెంచుతుంది. దీనికారణంగా జుట్టు నల్లగా మారుతుంది.
7/7
కరివేపాకు.. కరివేపాకు జుట్టు సంరక్షణలో మెరుగ్గా పనిచేస్తుంది. కరివేపాకును ఆహారంలో బాగా తీసుకోవడం, కరివేపాకు పొడి తీసుకోవడం, రోజూ ఒక రెమ్మ కరివేపాకులు పచ్చిగా నమిలి తింటూంటే జుట్టు నల్లగా మారుతుంది.
Updated at - Aug 21 , 2024 | 03:34 PM
