Inflation: సాధారణ ప్రజలకు గుడ్ న్యూస్.. 67 నెలల కనిష్ట స్థాయికి ద్రవ్యోల్బణం
ABN , Publish Date - Apr 15 , 2025 | 09:49 PM
భారతదేశంలో సాధారణ ప్రజలకు గుడ్ న్యూస్ వచ్చేసింది. తాజాగా ద్రవ్యోల్బణం 67 నెలల కనిష్ట స్థాయికి చేరుకోవడం విశేషం. మార్చి 2025లో రిటైల్ ద్రవ్యోల్బణం 3.34%కి తగ్గింది. అయితే దీని వల్ల ప్రజలకు ఎలాంటి ఉపయోగాలు ఉన్నాయనే విషయాలను ఇప్పుడు తెలుసుకుందాం.
ఓ వైపు ప్రపంచ ఆర్థికవ్యవస్థలో కీలక మార్పులు వస్తున్న వేళ.. భారతదేశంలో ద్రవ్యోల్బణం రేటు రికార్డ్ స్థాయిలో 67 నెలల కనిష్ట స్థాయికి చేరుకుంది. ఈ క్రమంలో మార్చి 2025లో రిటైల్ ద్రవ్యోల్బణం 3.34%గా నమోదైంది. ఇది అనేక మంది సాధారణ ప్రజలకు ఉపశమనం కలిగించే విషయమని చెప్పవచ్చు. ఇదే సమయంలో ఆహార పదార్థాల ధరలు కూడా తగ్గడం కూడా దేశంలో ద్రవ్యోల్బణం క్రమంగా తగ్గడానికి ప్రభావితం అయినట్లు తెలుస్తోంది. ఈ పరిణామాలతో భారత రిజర్వ్ బ్యాంక్ (RBI) ద్రవ్య విధానాన్ని సమీక్షించుకుంటూ తదుపరి వడ్డీ రేట్లపై నిర్ణయం తీసుకునే అవకాశం ఉందని నిపుణులు చెబుతున్నారు.
67 నెలల కనిష్ట స్థాయికి ద్రవ్యోల్బణం
2025 మార్చి నెలలో భారతదేశంలో రిటైల్ ద్రవ్యోల్బణం 3.34%కి పడిపోయింది. ఇది గత 67 నెలలలోనే కనిష్ట స్థాయికి చేరింది. ఫిబ్రవరిలో 3.61%గా ఉన్న ద్రవ్యోల్బణం, మార్చిలో 3.34%కి చేరుకుంది. ఇది R.B.I లక్ష్యంగా ఉండే 4% ద్రవ్యోల్బణం రేటు కంటే 0.66% మేర తక్కువగా ఉండటం విశేషం. దీంతో రాబోయే నెలల్లో భారతీయ ఆర్థిక వ్యవస్థ అభివృద్ధికి అవకాశం ఉందని నిపుణులు చెబుతున్నారు. ద్రవ్యోల్బణం తగ్గడం వల్ల ప్రజలకు రాబోయే సమయాలలో మరింత ఆర్థిక ఉపశమనం కలుగుతుంది.
ఆహార ద్రవ్యోల్బణం తగ్గింపు
ప్రత్యేకంగా ఆహార పదార్థాల ధరలు కూడా ఈ సమయంలో తగ్గుతున్నాయి. ఫిబ్రవరి 2025లో ఆహార ద్రవ్యోల్బణం 3.75% గా ఉండగా, మార్చిలో 2.69%కి పడిపోయింది. ఇది ప్రజలకు అనుకూలంగా మారుతూ, వారి ఖర్చులపై పెద్దమొత్తం ప్రభావం చూపిస్తుంది. ఆహార ధరలు తగ్గినట్లయితే, సామాన్య ప్రజల జీవన ప్రమాణాలు మెరుగుపడతాయి.
వచ్చే సంవత్సరంలో 4% ద్రవ్యోల్బణం
భారతీయ రిజర్వ్ బ్యాంక్ (RBI) రాబోయే సంవత్సరంలో ద్రవ్యోల్బణం సగటు రేటు 4%కు చేరుతుందని అంచనా వేస్తోంది. RBI తాజా అంచనాలను గమనిస్తే, 2024-25 ఆర్థిక సంవత్సరం (FY25)లో సగటు ద్రవ్యోల్బణం 4.6%గా ఉండబోతుందని భావిస్తున్నారు.
RBI పాలసీ రేట్ల పెరుగుదల, తగ్గింపు
ప్రస్తుతం, RBI రేట్లపై కీలక నిర్ణయాలు తీసుకుంది. తాజాగా 2025 ఏప్రిల్ నెలలో RBI వరుసగా రెండోసారి రెపో రేటును 6%కి తగ్గించింది. ఇది ఆర్థిక సమీకరణల పరంగా ప్రజలకు అధిక ప్రయోజనాన్ని చేకూరుస్తుంది. రెపో రేటు తగ్గిన నేపథ్యంలో, వాణిజ్య బ్యాంకులు తీసుకునే ఆర్థిక నిర్ణయాల్లో మార్పులు వచ్చాయి. లోన్ల వడ్డీ రేట్లు తగ్గాయి. దీంతోపాటు బాండ్ల మార్కెట్, లైబర్ రేట్లు, ఇతర బ్యాంకింగ్ మార్గాల్లో సానుకూల ప్రభావాలు చూపనున్నాయి.
ఇవి కూడా చదవండి:
PBKS vs KKR: సొంత గడ్డపై పంజాబ్‍‌కు పరాభావం.. తక్కువ పరుగులకే ఆలౌట్ చేసిన కోల్‌కతా
Bill Gates: వారానికి మూడు రోజేలే పని..బిల్ గేట్స్ ఆసక్తికర వ్యాఖ్యలు..
Ayodhya: రాములోరి ఆలయానికి బెదిరింపు.. భారీగా భద్రత పెంచిన ప్రభుత్వం
iPhone like Design: రూ.6 వేలకే ఐఫోన్ లాంటి స్మార్ట్‌ఫోన్‌.. ఫీచర్లు తెలిస్తే షాక్ అవుతారు..
Monthly Income: 50 ఏళ్ల తర్వాత నెలకు రూ.లక్ష కావాలంటే ఎంత సేవ్ చేయాలి, ఎన్నేళ్లు చేయాలి
Read More Business News and Latest Telugu News
