Hide Tan Fast: నలుపును దాచేసేలాం

మేకప్‌

ఎండకు చర్మం నల్లబడడం సహజం. నల్లబడిన చర్మం మీద మునుపటిలాగే మేకప్‌ వేసుకుంటే ఎబ్బెట్టుగా ఉంటుంది. కాబట్టి ఇలాంటి సన్‌ ట్యాన్‌ను దాచడం కోసం మేక్‌పలో కొన్ని మెలకువలు అదనంగా పాటించాలి.

కలర్‌ కరెక్టర్‌: ఎండకు ముఖమంతా సమంగా నల్లబడదు. చెక్కిళ్లు, నుదురు, ముక్కు, చుబుకం...ఇలా ఉబ్బెత్తుగా ఉండే ప్రదేశాలన్నీ కళ తగ్గి, నల్లబడతాయి. కాబట్టి ఈ ప్రదేశాల్లో కలర్‌ కరెక్టర్‌ ఉపయోగించాలి. దీన్ని అద్దుకుని, చర్మంలో కలిసిపోయేలా మర్దన చేసి, ఆ తర్వాతే మేకప్‌ పూర్తి చేసుకోవాలి.

కన్‌సీలర్‌: ట్యాన్‌ తీవ్రతను తగ్గించడం కోసం కన్‌సీలర్‌ను కూడా వాడుకోవచ్చు. ఇందుకోసం లిక్విడ్‌ కన్‌సీలర్‌ను ఎంచుకుని, మచ్చల మీద అప్లై చేసుకోవాలి. అయితే ఈ కన్‌సీలర్‌ చర్మపు రంగు కంటే ఒకట్రెండు రెట్లు లేత రంగులో ఉండేలా చూసుకోవాలి. గులాబీ రంగు నీలం రంగుల కన్‌సీలర్లకు బదులుగా చర్మపు రంగుతో నప్పే కన్‌సీలర్‌ను వాడాలి.

ఫౌండేషన్‌: అప్పటికే ఎండకు నల్లబడిన చర్మాన్ని మరింత జాగ్రత్తగా కాపాడుకోవాలి. కాబట్టి మాయిశ్చరైజర్‌, ఎస్‌పిఎఫ్‌ ఉండే ఫౌండేషన్‌ను ఎంచుకోవాలి.

ట్రాన్స్‌క్యులెంట్‌ పౌడర్‌: మేకప్‌ చెక్కుచెదరకుండా ఉండడం కోసం ఈ పౌడర్‌ను వాడుకోవాలి. పెద్ద బ్రష్‌తో ఈ పౌడర్‌ను ముఖం మీద పలుచగా అద్దుకోవాలి.

For AndhraPradesh News And Telugu News