NRI: కెండల్ పార్క్ రెస్క్యూ స్క్వాడ్ సిబ్బందికి లూకాస్ పరికరం అందించిన తానా ప్రతినిధులు

న్యూజెర్సీ రాష్ట్రంలో సౌత్ బ్రున్స్విక్ నగరంలో పూర్తి సేవా దృక్పథంతో పని చేస్తున్న ఫస్ట్ ఎయిడ్ అండ్ రెస్క్యూ స్క్వాడ్ సిబ్బందికి సుమారు 15 లక్షల విలువైన లూకాస్( మెకానికల్ చెస్ట్ కంప్రెషన్ పరికరం) తానా ఫౌండేషన్ ట్రస్టీలు శ్రీనివాస్ ఓరుగంటి , విద్యాధర్ గారపాటి, బోర్డు అఫ్ డైరెక్టర్ లక్ష్మి దేవినేని.. కమ్యూనిటీ సర్వీసెస్ కోఆర్డినేటర్ రాజా కసుకుర్తి సమక్షంలో అందజేశారు. అత్యవసర పరిస్థితుల్లో ప్రాణాలు కాపాడటానికి ఈ పరికరం చాలా ఉపయోగపడుతుంది . ప్రతి ఏడాది అమెరికాలో సుమారు మూడున్నర లక్షల మంది గుండె పోటుతో మరణిస్తున్నారని, సకాలంలో కానీ సీపీఆర్ చేస్తే చాలా మందిని బతికించుకునే అవకాశం ఉంటుందని కెండల్ పార్క్ ఫస్ట్ ఎయిడ్ అండ్ రెస్క్యూ స్క్వాడ్ చీఫ్ శ్రీని వల్లూరి తెలిపారు.

కెండల్ పార్క్ ఫస్ట్ ఎయిడ్ అండ్ రెస్క్యూ స్క్వాడ్ ఎటువంటి లాభాపేక్ష (ఒక్క డాలర్ కూడా బాధితుల నుండి తీసుకోరు) లేకుండా కేవలం సేవా దృక్పథంతో పని చేస్తున్న వాళ్ళకి తానా లాంటి సేవా సంస్థలు ప్రోత్సహించడం చాలా అభినందనీయమని సౌత్ బ్రున్స్విక్ నగర మేయర్ చార్లీ కార్లెయ్ తెలిపారు. ఈ కార్యక్రమంలో కౌన్సిల్ విమెన్ అర్చన గ్రోవర్, టౌన్షిప్ మేనేజర్ బ్రయాన్ బిడ్లక్, పోలీస్ చీఫ్ రేమండ్ హాయ్దుకే, లియుటెనెంట్ జాన్ పెన్నేయ్, పోలీస్ ఆఫీసర్స్ జారెడ్ హార్ప్ స్టర్ అండ్ ఆఫీసర్ కిమ్ చీఫ్ అఫ్ కెండల్ పార్క్ ఫస్ట్ ఎయిడ్ శ్రీని వల్లూరి, కెండల్ పార్క్ ఫస్ట్ ఎయిడ్ ఫస్ట్ రెస్పాండెర్స్ టీం సభ్యులు, కీర్తన గారపాటి తానా ప్రతినిధులు రామకృష్ణ వాసిరెడ్డి, సుధీర్ నారెపలేపు, శ్రీనాథ్ కోనంకి, రవి కొల్లి, శ్రీనివాస్ చెరుకూరి, సతీష్ మేకా పాల్గొన్నారు. తానా సేవా కార్యక్రమాలు అమెరికా, ఇండియాలో ఎప్పుడూ ఉంటాయని ఈ కార్యక్రమానికి సహకరించిన ప్రతి ఒక్కరికి తానా అధ్యక్షులు అంజయ్య చౌదరి లావు, ఫౌండేషన్ చైర్మన్ వెంకట రమణ యార్లగడ్డ ప్రత్యేక అభినందనలు తెలిపారు.