Chandrababu: మూడ్రోజులు రాజమండ్రిలోనే బస చేయనున్న చంద్రబాబు

రాజమండ్రి: టీడీపీ అధినేత చంద్రబాబు మూడ్రోజుల పాటు రాజమండ్రిలో బస చేయనున్నారు. రేపు సాయంత్రం ఐదు గంటలకు చంద్రబాబు రాజమండ్రి చేరుకోనున్నారు. రేపు సాయంత్రం రాజమండ్రిలో టీడీపీ పొలిట్ బ్యూరో సమావేశం జరగనుంది. హోటల్ మంజీరాలో జరిగే పొలిట్‌బ్యూరో సమావేశానికి చంద్రబాబు హాజరుకానున్నారు. అనంతరం రాత్రి 7.30 గంటలకు హోటల్ మంజీరా నుంచీ వేమగిరిలో జరిగే మహానాడు ప్రాంగణానికి చంద్రబాబు బయల్దేరి వెళ్లనున్నారు. రాత్రి 8 గంటలకు మహానాడు వేదిక ఏర్పాట్లను పరిశీలించనున్నారు. ఈనెల 27, 28 తేదీల్లో జరిగే మహానాడులో చంద్రబాబు పాల్గొననున్నారు.

ఇప్పటికే రాజమండ్రి పరిసరాలు పసుపుమయమైంది. పార్టీ జెండాలు, కటౌట్లు, ఫ్లెక్సీలతో నగరమంతా పసుపుమయంగా మారింది. అలాగే నేతల రాకతో సందడి సందడి నెలకొంది. ఇప్పటికే పలువురి నేతలు రాజమండ్రికి చేరుకున్నారు. అలాగే కార్యకర్తలు.. అభిమానులు పెద్ద ఎత్తున తరలివస్తున్నారు.