మొక్కలను సరిగ్గా వాస్తు శాస్త్రాన్ని దృష్టిలో ఉంచుకునినాటితే, ఇంట్లో శాంతి, ఆనందాన్ని కలిగించడమే కాకుండా సమస్యలను దూరం చేస్తాయి. పురాతన భారతీయ వాస్తు సిద్ధాంతమైన వాస్తు శాస్త్ర నియమాలను అనుసరించడం ద్వారా, జీవితంలో సామరస్యం, శాంతి, శ్రేయస్సు, ఆరోగ్యాన్ని తీసుకురావచ్చని నమ్ముతారు. అందుకే ఇంటి యజమానులు ఇంటి తోటను ఏర్పాటు చేయాలనుకునేటప్పుడు మొక్కల కోసం వాస్తు సూత్రాలను పాటించాలి.

ఇంట్లో, కార్యాలయంలో చిన్న మొక్కలను నాటడం వల్ల అవి తాజాదనాన్ని అందించడమే కాకుండా ప్రదేశాన్ని అందంగా మారుస్తాయి. వాస్తు శాస్త్రం ఈ మొక్కలు సరిగ్గా ఎక్కడ నాటితే, శాంతి, ఆనందాన్ని కలుగుతాయో చాలా క్షుణ్ణంగా చెప్పింది. మొక్కలు ఇంట్లో సానుకూల శక్తిని సృష్టిస్తాయి. వాస్తు శాస్త్రం ప్రకారం, ఇంట్లో తోటను ఏర్పాటు చేసుకునేటప్పుడు కొన్ని నియమాలు పాటించాలి. ఈ నియమాలను శ్రద్ధగా పాటిస్తే, ప్రతి పని శుభప్రదంగా జరుగుతుంది. అలాగే ప్రతికూల శక్తి ఇంట్లోకి ప్రవేశించదు.

వాస్తు శాస్త్రం ప్రకారం, తోటలోని ప్రతి విభాగం పంచ మహా భూతాలలోని ఐదు అంశాలలో ఒకదానిని పోలి ఉంటుంది. ఇంటి నైరుతి విభాగం భూమిని సూచిస్తుంది, ఈశాన్యం నీటిని సూచిస్తుంది, ఆగ్నేయం అగ్నిని సూచిస్తుంది. అయితే వాయువ్యం గాలిని సూచిస్తుంది. కేంద్రం అంతరిక్షాన్ని సూచిస్తుంది. ఆగ్నేయ లేదా నైరుతిలో ఉద్యానవనం ఉద్రిక్తతను కలిగిస్తుంది.

ఇది కూడా చదవండి: జ్ఞాపకశక్తి, మానసిక కల్లోలం, మొత్తం మెదడు ఆరోగ్యాన్ని మెరుగుపరచడంలో సహాయపడే ఆహారాలు..

1. ఈ తోట తూర్పు లేదా ఉత్తర విభాగాలలో చిన్న పొదలను నాటాలి, ఈశాన్య భాగాన్ని తెరిచి వదిలివేయాలి.

2. పొడవైన చెట్లను తోట పశ్చిమ, దక్షిణ, నైరుతి విభాగాలలో నాటాలి. ప్రధాన ఇల్లు, చెట్ల మధ్య దూరం ఉండాలి, వాస్తు శాస్త్రం ప్రకారం ఉదయం 9 గంటల నుంచి మధ్యాహ్నం 3 గంటల మధ్య వాటి నీడ భవనంపై పడకూడదు.

3. పెద్ద చెట్లను ఇంటికి చాలా దగ్గరగా నాటకూడదు, ఎందుకంటే వాటి మూలాలు ఇంటి పునాదిని దెబ్బతీస్తాయి. కీటకాలు, పురుగులు, తేనెటీగలు లేదా పాములను ఆకర్షించే చెట్లను తోటలో నివారించాలి. అవి దురదృష్టాన్ని తెస్తాయి.

4. తోట ముందు భాగంలో ఉన్నట్లయితే, ఒక భారీ చెట్టు దాని ప్రవేశాన్ని ఎప్పుడూ అడ్డుకోకూడదు. తోట గోడ పక్కన ఒక చెట్టును నాటవచ్చు. నిజానికి, వాస్తులో మామిడి, వేప లేదా అరటి చెట్టును నాటడం మంచిది. ఈ చెట్లు వాటి సువాసనకు మాత్రమే కాకుండా అవి ఇచ్చే సానుకూల వైబ్‌లకు కూడా ప్రసిద్ధి చెందాయి.

5. వాస్తు శాస్త్రం ప్రకారం, ఇంట్లో తోట ఏర్పాటు చేయడానికి ఉత్తరం, తూర్పు దిశలు శుభప్రదంగా చెప్పబడుతున్నాయి. ఈ దిశలో గార్డెన్‌ను ఏర్పాటు చేస్తే, అది ఇంట్లో ఎప్పుడూ పాజిటివ్ ఎనర్జీని మెయింటెయిన్ చేస్తుంది. నెగటివ్ ఎనర్జీని దూరంగా ఉంచుతుంది. వాస్తు శాస్త్రం ప్రకారం, తోటను ఎప్పుడూ దక్షిణ లేదా పడమర దిశలో ఉంచకూడదు. ఈ దిశలో ప్లాంటేషన్ చేస్తే అది ప్రతికూల శక్తిని ఆహ్వానిస్తుంది.

6. గార్డెనింగ్ లేదా ప్లాంటేషన్ ఉత్తర దిశలో చేస్తే, అది కెరీర్‌లో కొత్త అవకాశాలను తెస్తుంది. వృత్తిపరమైన వృద్ధికి సహాయపడుతుంది. వాస్తు శాస్త్రం ప్రకారం, తులసిని ఉత్తరాన నాటితే, అది ఇంట్లో సంతోషాన్ని తెస్తుంది.

7. వాస్తు శాస్త్రం ప్రకారం ఉత్తర దిశలో ముళ్ల మొక్కను ఎప్పుడూ నాటకూడదు.

8. పండ్ల మొక్కను నాటాలని అనుకున్నట్లయితే, ఎల్లప్పుడూ తూర్పు దిశలో చేయాలి. వాస్తు శాస్త్రం ప్రకారం ఈ దిశ చాలా పవిత్రమైనదిగా చెప్పబడుతుంది.

9. గులాబీ మొక్కను నాటాలని అనుకున్నట్లయితే, వాస్తు శాస్త్రం ప్రకారం ఆగ్నేయ లేదా నైరుతి దిశలో నాటాలని సూచిస్తున్నారు.

కాబట్టి, మన జీవితంలో సానుకూల మార్పు, సంతోషాన్ని తీసుకురావడానికి ఈ చిన్న వాస్తు చిట్కాలను అనుసరించడం మాత్రమే తెలివైన పని.