మామిడి పండ్లను నీళ్లలో నానబెట్టి తినడం ఏళ్ల తరబడి కొనసాగుతోంది. అయితే, చాలా మందికి అలా చేయడం వల్ల కలిగే ప్రయోజనాల గురించి తెలియదు. కాబట్టి, ఇలా చేయడం వల్ల మామిడిలో ఉండే కలుషిత పదార్థాలను తొలగించే వీలుంటుంది. మామిడి పండ్లను ముందుగా నీటిలో నానబెట్టకుండా తినడం వల్ల ముఖం, శరీరంపై మొటిమలు ఏర్పడతాయి. అంతే కాదు అలాగే తినేయడం వల్ల కడుపులో వేడిని పెంచుతుంది, మలబద్ధకం, యాసిడ్ రిఫ్లక్స్ ,ఇతర జీర్ణశయాంతర సమస్యలకు దారితీస్తుంది.

మామిడి పండ్లను తినే ముందు నీళ్లలో ఎందుకు నానబెట్టాలి?

1. ఫైటిక్ యాసిడ్ విడుదల అవుతుంది.

మామిడి పండ్లలో సహజంగా లభించే ఫైటిక్ యాసిడ్ అనే పదార్ధం ఉంది, ఇది యాంటీ న్యూట్రియంట్‌.. ఫైటిక్ యాసిడ్ కాల్షియం, ఐరన్, జింక్ వంటి ఖనిజాల శోషణను నిరోధిస్తుంది, ఇది శరీరంలో ఖనిజ లోపానికి దారితీస్తుంది. ఈ సందర్భంలో, మామిడిపండ్లను కొన్ని గంటలపాటు నీటిలో నానబెట్టడం వల్ల ఫైటిక్ యాసిడ్‌ను తొలగించడంలో అదనంగా సహాయపడుతుంది.

2. పురుగుమందులను బయటకు తీయడానికి..

మామిడిపండ్లపై అనేక రకాల పురుగుమందులు కూడా వాడతారు. అటువంటి పరిస్థితిలో, ఈ రసాయనాలు జీర్ణవ్యవస్థకు సంబంధించిన సమస్యలను కలిగిస్తాయి. తలనొప్పి, మలబద్ధకం, ఇతర సమస్యలు వంటివి. చర్మం, కళ్ళు, శ్వాసకోశానికి చికాకు కలిగించవచ్చు, అలాగే అలెర్జీలను ప్రేరేపిస్తాయి. అందుకే వీటన్నింటికి దూరంగా ఉండాలంటే మామిడికాయలను నీళ్లలో నానబెట్టి ఉంచాలి.

ఇది కూడా చదవండి: మీ ముఖంపై ‘బ్లైండ్ పింపుల్స్’ను గుర్తించారా?.. ఈ ఈజీ టిప్స్‌తో వాటికి ఇలా గుడ్‌బై చెప్పేయండి..

3. వేడిని తగ్గిస్తుంది.

మామిడిని నీటిలో నానబెట్టి ఉంచడం వల్ల దాని వేడిని తగ్గిస్తుంది. ఇలా చేయకుండా లేకుండా తింటే ముఖంపై మొటిమలు రావచ్చు. వికారం, వాంతులు సమస్య ఉండవచ్చు. అందువల్ల, మామిడికాయల తినడానికి ముందు వాటిని కనీసం 25 నుండి 30 నిమిషాలు నానబెట్టండి.