IPL 2023: థ్రిల్లింగ్ మ్యాచ్‌లో బెంగళూరు ఓటమి.. ఫ్యాన్స్ కన్నీళ్లు.. స్టేడియంలో ఫుల్ ఎమోషన్స్!
ABN , First Publish Date - 2023-04-11T10:33:08+05:30 IST
సీజన్ మారినా బెంగళూరు రాయల్ ఛాలెంజర్స్ తీరు మాత్రం మారడం లేదు. మ్యాచ్ చివరి క్షణాల్లో ఒత్తిడిని జయించలేక చతికిల పడడం ఆర్సీబీ ఆటగాళ్లకు అలవాటుగా మారిపోయింది.
సీజన్ మారినా బెంగళూరు రాయల్ ఛాలెంజర్స్ (RCB) తీరు మాత్రం మారడం లేదు. మ్యాచ్ చివరి క్షణాల్లో ఒత్తిడిని జయించలేక చతికిల పడడం ఆర్సీబీ ఆటగాళ్లకు అలవాటుగా మారిపోయింది. సోమవారం జరిగిన మ్యాచ్‌లో (RCBvsLSG) చివరి వరకు బెంగళూరుదే పైచేయిగా నిలిచింది. చివర్లో గేమ్ ప్లాన్‌ను సరిగ్గా అమలు చేయలేక చేతులెత్తేసింది. చివరి బంతికి అవేష్ ఖాన్ విన్నింగ్ రన్ తీయడంతో చిన్నస్వామి స్టేడియంలోని అభిమానులు మౌనంగా ఉండిపోయారు.
తప్పకుండా గెలుస్తుందనుకున్న మ్యాచ్‌లో బెంగళూరు ఓడిపోగానే కొందరు అభిమానులు (RCB Fans) కన్నీళ్లు పెట్టుకున్నారు. మ్యాచ్ ఆసాంతం వారు తమ జట్టుకు మద్దతుగా నిలిచారు. ఈ మ్యాచ్ చూసేందుకు విరాట్ కోహ్లీ భార్య అనుష్క శర్మ (Anushka Sharma) కూడా చిన్నస్వామి స్టేడియంకు వెళ్లింది. బెంగళూరు బ్యాటింగ్ సమయంలోనూ, ఆరంభంలో లక్నో వికెట్లు కోల్పోయినపుడు ఆమె చాలా ఉత్సాహంగా కనిపించింది. అయితే మ్యాచ్ ఓడిపోయిన తర్వాత ఆమె కూడా సైలెంట్ అయిపోయింది.
RCBvsLSG: సిక్స్ కొట్టి అవుటయ్యాడు.. వైరల్‌గా మారిన ఆయుష్ బదోని అవుట్..
ఈ సీజన్‌లో బెంగళూరు జట్టుకు ఇది వరుసగా రెండో ఓటమి. గత మ్యాచ్‌లో కోల్‌కతా చేతిలో బెంగళూరు టీమ్ ఓడిపోయిన సంగతి తెలిసిందే. ఈ సీజన్‌లో ఆర్సీబీ ఇప్పటివరకు ఆడిన మూడు మ్యాచ్‌ల్లో ఒకటి మాత్రమే గెలిచింది.
