TS News: చాలా అవార్డులు వచ్చాయి: జలమండలి ఎండీ

హైదరాబాద్: నిన్న కార్పొరేటర్లు చేసిన సంఘటన దురదృష్టకరమని, తనకు బాధ కలిగిందని జలమండలి ఎండీ దాన కిషోర్ (MD Dana Kishore) అన్నారు. ఘటన తర్వాత జలమండలి ఉద్యమంలో భయభ్రాంతులకు గురయ్యారని చెప్పారు. నిన్నటి ఘటనపై జలమండలి ఉద్యోగుల సంఘాల వారు తనను కలిశారని తెలిపారు. తమ అధికారులు దేశంలో ఆదర్శంగా పనిచేస్తున్నారని ఆయన పేర్కొన్నారు. చాలా అవార్డ్స్ వచ్చాయని తెలిపారు. వివిధ ప్రాంతాల నుంచి ఉన్నతాధికారులు వచ్చి ఇక్కడ మంచి అంశాలు స్టడీ చేస్తున్నారని తెలిపారు. రోజుకి 40 వేల నాణ్యత టెస్టులు చేస్తున్నామని వెల్లడించారు. 150వార్డ్స్ కు 75 వాహనాలు ఉన్నాయన్నారు. 60లక్షల కోట్లు నీరు సిటీలో పంపిణీ జరుగుతోందన్నారు. సమస్యల పరిష్కారం 97 శాతం ఉందన్నారు. మొత్తం 41 సమస్యలు వుంటే 7 అంశాల్లో ఎక్కువ పిర్యాదులు వస్తున్నాయన్నారు. అలాగే నెలకు 30కోట్ల రూపాయలు విలువైన ఫ్రీ వాటర్ ఇస్తున్నామన్నారు.