CIBIL Score: ఈ తప్పులు చేస్తున్నారా.. మీ సిబిల్ స్కోర్ ఖతం

ప్రస్తుత రోజుల్లో సిబిల్ క్రెడిట్ స్కోర్(CIBIL Score) పాత్ర చాలా కీలకమని చెప్పవచ్చు. ఎందుకంటే మీకు లోన్(loan) అవసరమైనప్పుడల్లా బ్యాంకులు, ఆర్థిక సంస్థలు ముందుగా మీ క్రెడిట్ స్కోర్‌ను తనిఖీ చేస్తాయి. మీ క్రెడిట్ స్కోర్ 750 లేదా అంతకంటే తక్కువ ఉంటే మీ లోన్ దరఖాస్తులు దాదాపు తిరస్కరించబడతాయి.

ఈ విషయాలన్నీ కాకుండా మీ జీతం ఎంత లేదా మీరు ప్రతి నెలా మీ వ్యాపారం నుంచి ఎంత ఆదాయం సంపాదిస్తారు, ఎలా ఖర్చుచేస్తున్నారు సహా అనేక అంశాలపై మీ క్రెడిట్ స్కోర్(credit score) ఆధారపడి ఉంటుంది. అయితే అనేక మందికి బ్యాడ్ క్రెడిట్ స్కోర్ ఎందుకు ఉందో తెలియదు. చాలా సందర్భాలలో చేసిన చిన్న చిన్న తప్పుల(mistakes) కారణంగా ఇది క్షీణిస్తుంది. ఆ తప్పులు ఏంటో ఇప్పుడు చుద్దాం.

EMI లేదా బిల్ చెల్లింపు

మీ లోన్ నెలవారీ వాయిదా లేదా మీ క్రెడిట్ కార్డ్ బిల్లు(bills) చెల్లించడానికి చివరి తేదీని మర్చిపోవద్దు. ఈ రెండింటిలో ఏదైనా ఆలస్యం అయినా కూడా అది మీ క్రెడిట్ స్కోర్‌పై ప్రతికూల ప్రభావం చూపుతుంది. మీరు చివరి తేదీ కోసం వేచి ఉండకుండా ముందే చెల్లింపులు చేస్తే మంచిది. మీ వద్ద వెంటనే డబ్బు లేకపోతే చివరి తేదీకి ముందే మీ బిల్లు లేదా EMI చెల్లించండి.

పరిమితికి మించి లోన్?

బ్యాంక్ మీకు ఇచ్చిన క్రెడిట్ పరిమితి మొత్తం కంటే మీరు లోన్ తీసుకున్నా(loan limit) కూడా అది మీ క్రెడిట్ స్కోరుపై ప్రభావం చూపుతుంది. అది ఎంత తక్కువగా ఉంటే మీ క్రెడిట్ స్కోర్ అంత మెరుగ్గా ఉంటుంది.

ఎక్కువ కార్డులు

మీ వద్ద ఎన్ని క్రెడిట్ కార్డ్‌లు(many credit cards) ఉన్నాయి. ఒక్కో కార్డులో ఎంత మొత్తం ఉపయోగించారు. ఇవన్నీ కూడా చాలా ముఖ్యమైనవి. మొత్తం పరిమితిలో 40 శాతం కంటే తక్కువ రుణం తీసుకున్న వినియోగదారులకు కంపెనీలు రుణాలు ఇవ్వడానికి ప్రాధాన్యత ఇస్తాయి.

ఆదాయం, EMI

మీరు ఎంత సంపాదిస్తారు(income), మీకు ఎంత రుణ భారం ఉంది అనేది కూడా గుర్తుంచుకోవడం చాలా ముఖ్యం. ఎందుకంటే EMI నుంచి ఆదాయానికి గరిష్ట పరిమితి 50 శాతంగా పరిగణించబడుతుంది. అంతకు మించి EMI ఉంటే మీరు డేంజర్ జోన్‌లో ఉన్నట్లే లెక్క.

రుణ చెల్లింపు నివారణ

రుణం చెల్లించలేని పక్షంలో చాలా మంది రుణం తీర్చుకుంటారు. కానీ మీరు సెటిల్మెంట్ చేసుకున్నట్లయితే, ఇది మీ క్రెడిట్ చరిత్రలో కూడా పేర్కొనబడుతుంది. ఇది మీ క్రెడిట్ స్కోర్‌పై ప్రతికూల ప్రభావం చూపుతుంది. మీరు సెటిల్మెంట్ల విషయంలో జాగ్రత్తగా ఉండాలి.

గ్యారెంటర్‌గా మారడం

మరొక వ్యక్తితో జాయింట్ అకౌంట్ హోల్డర్ లేదా లోన్‌కు గ్యారెంటర్‌గా మారే విషయంలో జాగ్రత్తగా ఉండాలి. ఎందుకంటే అవతలి పక్షం లేదా వారు ఏదైనా తప్పు చేస్తే మీ CIBIL స్కోర్‌పై ప్రభావం చూపుతుంది.

ఇది కూడా చదవండి:

Alert: ఈ సేవింగ్ ఖాతాలపై మే 1 నుంచి ఛార్జీలు..ఈ కనీస మొత్తం లేకపోతే

Business Idea: రూ.60 వేలతో సీజనల్ బిజినెస్..నెలకు లక్షకుపైగా ఆదాయం

మరిన్ని బిజినెస్ వార్తల కోసం