TS News: ములుగు జిల్లా గణతంత్ర వేడుకల్లో విషాదం.. ఇద్దరి మృతి

ములుగు: ములుగు జిల్లా గణతంత్ర వేడుకల్లో విషాదం చోటు చేసుకుంది. జిల్లా కేంద్రంలోని ఎస్సీ వాడలో గణతంత్ర దినోత్సవ వేడుకల్లో అపశృతి చోటు చేసుకుంది. జాతీయ జెండా గద్దెపై పెడుతుండగా పైన విద్యుత్ వైర్లు తాకడంతో షార్ట్ సర్క్యూట్ అయ్యింది. దీంతో విజయ్(25), అంజిత్ (35) అనే ఇద్దరు వ్యక్తులు అక్కడికక్కడే మృతి చెందారు. చక్రి (25) అనే మరో వ్యక్తి పరిస్థితి విషమంగా మారింది. వైద్యులు అతనికి చికిత్స అందిస్తున్నారు. బాధిత కుటుంబాలను పంచాయతీరాజ్ మంత్రి సీతక్క పరామర్శించారు. మృతులు ఒక్కొక్కరికీ సీతక్క రూ.5లక్షల ఎక్స్‌గ్రేషియా ప్రకటించింది. మృతుల కుటుంబాలకు అండగా ఉంటామని హామీ ఇచ్చారు.