RRB ALP Recruitment 2025: నిరుద్యోగులకు రైల్వే గుడ్ న్యూస్..9,970 పోస్టులకు నోటిఫికేషన్..

RRB Assistant Loco Pilot Notifiction 2025: నిరుద్యోగ యువతీ యువకులు ఎంతో ఆసక్తిగా ఎదురుచూస్తున్న RRB అసిస్టెంట్ లోకో పైలట్ (ALP) రిక్రూట్‌మెంట్ 2025 దరఖాస్తు ప్రక్రియను రైల్వే రిక్రూట్‌మెంట్ బోర్డు (RRB) ఏప్రిల్ 10, 2025న ప్రారంభం కాబోతుంది. భారతదేశంలోని వివిధ RRB జోన్‌లలో మొత్తం 9,970 అసిస్టెంట్ లోకో పైలట్ ఖాళీల కోసం ఈ రిక్రూట్‌మెంట్ డ్రైవ్ జరగనుంది. రేపటి నుంచి అభ్యర్థులు అధికారిక వెబ్ సైట్ ద్వారా అప్లై చేసుకోవచ్చు. దరఖాస్తులు సమర్పించడానికి చివరి తేదీ మే 11, 2025.

ఎంపిక ప్రక్రియలో CBT 1, CBT 2, CBAT, డాక్యుమెంట్ వెరిఫికేషన్, వైద్య పరీక్షలతో సహా అనేక దశలు ఉంటాయి. అర్హత, పరీక్షా విధానం, ఇతర కీలక వివరాలకు సంబంధించిన వివరణాత్మక నోటిఫికేషన్ త్వరలో విడుదల కానుంది. ఆసక్తిగల అభ్యర్థులు ఏప్రిల్ 12, 2025 నుంచి అధికారిక అప్లికేషన్ పోర్టల్ rrbapply.gov.in ని సందర్శించడం ద్వారా ALP పోస్ట్ కోసం దరఖాస్తు చేసుకోవచ్చు. దరఖాస్తులను సమర్పించేటప్పుడు ఆధార్ ఆధారిత ధృవీకరణను నిర్ధారించుకోవాలని RRB అభ్యర్థులకు సూచించింది, ఎందుకంటే అలా చేయడంలో విఫలమైతే తరువాతి దశలలో వివరణాత్మక పరిశీలన కారణంగా ఆలస్యం కావచ్చు. పేరు, పుట్టిన తేదీతో సహా ఆధార్ వివరాలు 10వ తరగతి సర్టిఫికేట్‌తో సరిగ్గా సరిపోలాలి.

అర్హత ప్రమాణాలు ఏమిటి?

• విద్యా అర్హత: 10వ తరగతి పూర్తి చేసి సంబంధిత ట్రేడ్‌లో ఐటీఐ అర్హత లేదా సంబంధిత రంగంలో ఇంజనీరింగ్‌లో డిప్లొమా/డిగ్రీ ఉన్న అభ్యర్థులు ఈ పోస్టులకు దరఖాస్తు చేసుకోవచ్చు.

• వయోపరిమితి: దరఖాస్తు చేసుకునే అభ్యర్థుల వయస్సు జూలై 1, 2025 నాటికి 18-30 సంవత్సరాల మధ్య ఉండాలి.ప్రభుత్వ నిబంధనల ప్రకారం రిజర్వ్‌డ్ కేటగిరీ అభ్యర్థులకు గరిష్ఠ వయోపరిమితిలో సడలింపు ఉంటుంది.

దరఖాస్తు రుసుము ఎంత?

రైల్వే అసిస్టెంట్ లోకో పైలట్ నియామకానికి దరఖాస్తు చేసుకునే అభ్యర్థులు రూ. 500. రుసుము చెల్లించాలి. CBT 1 పరీక్ష రాసిన తర్వాత వారికి రూ. 400 తిరిగి ఇవ్వబడుతుంది. అదే సమయంలో EBC, SC, ST, మహిళలు, దివ్యాంగ కేటగిరీకి చెందిన అభ్యర్థులు రూ. 250 దరఖాస్తు రుసుము చెల్లించాలి. CBT 1 పరీక్ష రాసిన తర్వాత వారికి పూర్తి మొత్తాన్ని తిరిగి చెల్లిస్తారు.

ఎంపిక ప్రక్రియ

• CBT 1 (క్వాలిఫైయింగ్)

• CBT 2 (CBAT కోసం షార్ట్‌లిస్ట్ చేయడానికి)

• CBAT (కంప్యూటర్ ఆధారిత ఆప్టిట్యూడ్ టెస్ట్ - తుది మెరిట్ కోసం తప్పనిసరి). చివరగా డాక్యుమెంట్ వెరిఫికేషన్, మెడికల్ ఎగ్జామినేషన్ నిర్వహిస్తారు.

Read Also: NTPC Recruitment 2025: ఎన్టీపీసీలో ఉద్యోగాల నోటిఫికేషన్..ఈ అభ్యర్థులకు మంచి ఛాన్స్

SVPNPA Job Openings: హైదరాబాద్ పోలీస్ అకాడమీలో డ్రీమ్ జాబ్స్..మీకు అర్హత ఉందా, అప్లై చేశారా

Admissions: అడ్మిషన్లలో కార్పొ‘రేట్‌’ దందా..