Vishal: కుప్పంలో పోటీపై హీరో విశాల్ క్లారిటీ

తిరుపతి: కుప్పం (Kuppam) అసెంబ్లీ నియోజకవర్గంలో టీడీపీ చంద్రబాబు (Chandrababu)పై పోటీ చేయబోతున్నారంటూ జరుగుతున్న ప్రచారానికి హీరో విశాల్‌ (Vishal) ఫుల్‌స్టాప్‌ పెట్టారు. ‘‘నాకు సీఎం జగన్ (CM Jagan) అంటే చాలా ఇష్టం. అయినా నేను కుప్పంలో పోటీ చేయను. అవన్నీ పుకార్లే. చంద్రబాబుకు ప్రత్యర్థిగా పోటీ చేసే ఉద్దేశమే లేదు. మాకు కుప్పంలో వ్యాపారాలు ఉన్నాయి. కుప్పంలో ప్రతిదీ నాకు తెలుసు. ఎమ్మెల్యేగా పోటీ చేయాలనే ఆలోచన లేదు. నేను నటుడిగా ఎమ్మెల్యేల కంటే ఎక్కువ సంపాదిస్తున్నా. ప్రజలకు సేవ చేయాలంటే రాజకీయాలే మార్గం కాదు. నేను పవన్ కళ్యాణ్ అభిమానిని’’ విశాల్ తెలిపారు.