CM KCR: నిర్మల్ జిల్లాలో నేడు సీఎం కేసీఆర్ ఎన్నికల ప్రచారం
ABN , First Publish Date - 2023-11-26T08:48:01+05:30 IST
హైదరాబాద్: ఎన్నికల ప్రచారంలో భాగంగా సీఎం కేసీఆర్ ఆదివారం నిర్మల్ జిల్లాలో పర్యటించనున్నారు. ఖానాపూర్‌లో జరగనున్న బీఆర్ఎస్ ప్రజా ఆశీర్వాద బహిరంగ సభలో ఆయన పాల్గొని ప్రసంగిస్తారు. పట్టణంలోని అయ్యప్ప ఆలయం సమీపంలో గల సువి శాలమైన స్థలంలో బీఆర్ఎస్ నేతలు సభకు ఏర్పాట్లు చేశారు.
హైదరాబాద్: ఎన్నికల ప్రచారంలో భాగంగా సీఎం కేసీఆర్ ఆదివారం నిర్మల్ జిల్లాలో పర్యటించనున్నారు. ఖానాపూర్‌లో జరగనున్న బీఆర్ఎస్ ప్రజా ఆశీర్వాద బహిరంగ సభలో ఆయన పాల్గొని ప్రసంగిస్తారు. పట్టణంలోని అయ్యప్ప ఆలయం సమీపంలో గల విశాలమైన స్థలంలో బీఆర్ఎస్ నేతలు సభకు ఏర్పాట్లు చేశారు. తమ అధినేత సభను విజయవంతం చేసేందుకు బీఆర్ఎస్ నాయకులు భారీ జన సమీకరణకు సన్నాహాలు చేస్తున్నారు.
ముఖ్యమంత్రి కేసీఆర్ రాక కోసం సభాస్థలి పక్కనే హెలీ ప్యాడ్‌ను సిద్ధం చేశారు. ఆదివారం మధ్యాహ్నం 12 గంటలకు జరిగే సీఎం సభకోసం పోలీసులు ట్రాఫిక్‌ను మళ్లించారు. నిర్మల్ వైపు నుంచి ఖానాపూర్‌ పట్టణంలోకి వచ్చే రోడ్డును సభ ముగిసే వరకు మూసివేయనున్నారు. రాజురా, అంకెన, పోచంపల్లి, రాయదారి, ఉట్నూర్‌, కడెం తదితర ప్రాంతాల నుంచి వచ్చే వారు తర్లపాడ్‌ రోడ్డు, దిలావర్‌పూర్‌, లింగాపూర్‌ గ్రామాల మీదుగా సభా స్థలికి చేరుకోవాల్సి ఉంది. ముఖ్యమంత్రి సభ నేపత్యంలో పోలీసులు ప్రత్యేక బందోబస్తు ఏర్పాటు చేశారు.
