బారులు తీరిన గణనాథులు.. కొనసాగుతున్న నిమర్జనం..

హైదరాబాద్: 11 రోజులపాటు మండపాల్లో పూజలందుకున్న గణనాథులు ఆశేష భక్త జనం నుంచి వీడ్కోలు అందుకుని గంగమ్మ ఒడికి చేరుకుంటున్నారు. మంగళవారం హైదరాబాద్‌లో ప్రారంభమైన గణేష్ నిమజ్జనం కార్యక్రమం రెండో రోజు బుధవారం కూడా కొనసాగుతోంది. ఈ రోజు మధ్యాహ్నంలోపు పూర్తిచేసేలా అధికారులు టార్గెట్ పెట్టుకున్నారు. సాంకేతిక కారణాలతో మోరాయిస్తున్న క్రేన్ల స్థానంలో తక్షణమే వేరే క్రేన్లను అధికారులు ఏర్పాటు చేశారు. మరోవైపు అత్యాధునికమైన యంత్రాలతో హుస్సేన్ సాగర్‌ను క్లీనింగ్ చేస్తున్నారు. నిమజ్జన కార్యక్రమాన్ని పోలీసులు, అధికారులు దగ్గరుండి పర్యవేక్షిస్తున్నారు.