పూణె: టీమిండియా దెబ్బకు కివీస్ జట్టు 259 వద్ద ఆలౌట్ అయ్యింది. దాదాపు మూడేళ్ల సుదీర్ఘ విరామం తర్వాత టెస్టు జట్టులో చోటు సంపాదించుకున్న వాషింగ్టన్ సుందర్ అదరగొడుతున్నాడు. వచ్చిన ప్రతి అవకాశాన్ని వాడుకుంటూ రీఎంట్రీలో దుమ్ములేపుతున్నాడు. న్యూజిలాండ్ పై ఏడు వికెట్లు తీసి అందరి ప్రశంసలు అందుకుంటున్నాడు. అనుహ్యంగా భారత జట్టుకి ఎంపికవ్వడంతోపాటు తుది జట్టులో చోటు దక్కించుకున్న స్పిన్ ఆల్‌రౌండర్‌ వాషింగ్టన్ సుందర్ (7/59) తో కళ్లు చెదిరే ప్రదర్శన చేశాడుు. టెస్టుల్లో అతడు ఐదు వికెట్ల కంటే ఎక్కువ పడగొట్టడం ఇదే తొలిసారి. సుందర్‌ ఈ ఇన్నింగ్స్‌లో ఐదుగురు బ్యాటర్లను క్లీన్‌బౌల్డ్ చేయడం మరో సంచలనం. రవిచంద్రన్ అశ్విన్ సైతం (3/59) తన మార్కు చూపించాడు.

7 వికెట్లు తీసి సంచలనం..

పూణె వేదికగా భారత్-న్యూజిలాండ్ మధ్య రెండో టెస్టు మ్యాచ్‌లో కివీస్ జట్టు టాస్ గెలిచి ముందుగా బ్యాటింగ్ ఎంచుకుంది. తొలి రోజు ఆటలో రెండో సెషన్ ముగిసే సమయానికి కివీస్ జట్టు ఐదు వికెట్లు కోల్పోయింది. భారత జట్టు అనుభవజ్ఞుడైన స్పిన్నర్ అశ్విన్ మూడు వికెట్లు తీశాడు. అదే సమయంలో వాషింగ్టన్ సుందర్ కూడా ఈ మ్యాచ్‌లో అద్భుత ప్రదర్శన చేసి ఏడు వికెట్లు పడగొట్టి సంచలనం సృష్టించాడు. సుదీర్ఘ విరామం తర్వాత భారత్‌ తరఫున టెస్టు మ్యాచ్‌ ఆడుతున్నందున అతడిపై ప్రశంసలు వెల్లువెత్తుతున్నాయి.

ఒక్కో బంతి ఒక్కో అద్భుతం..

రెండో టెస్టులో వాషింగ్టన్ సుందర్ న్యూజిలాండ్ ఇన్నింగ్స్ 60వ ఓవర్ తొలి బంతికి రచిన్ రవీంద్రను బౌల్డ్ చేశాడు. సుందర్ టర్న్ బాల్‌ను అర్థం చేసుకోలేకపోయిన రచిన్, బంతి అతని బ్యాట్ మరియు ప్యాడ్ మధ్య ఎగిరి వికెట్ తీసింది. జట్టును భారీ స్కోరుకు చేరువ చేయడంలో రచిన్ కంగుతిన్నాడు. సుందర్ అక్కడితో ఆగలేదు టామ్ బ్లండెల్‌ను తన తదుపరి అటాక్ చేశాడు. ఆ తర్వాత సుందర్ బ్లెండిల్‌ను రైజింగ్ బాల్‌లో ఔట్ చేశాడు. టామ్ బ్లెండిల్ 3 పరుగులు మాత్రమే చేసి పెవిలియన్‌కు చేరుకున్నాడు. రచిన్ రవీంద్ర, డారిల్ మిచెల్ మధ్య నాలుగో వికెట్ భాగస్వామ్యాన్ని సుందర్ బ్రేక్ చేశాడు. ఈ సమయంలో రవీంద్ర 65 పరుగుల వ్యక్తిగత స్కోరు వద్ద పెవిలియన్‌కు చేరుకున్నాడు.

నిజానికి న్యూజిలాండ్‌తో జరుగుతున్న రెండో టెస్టు మ్యాచ్‌లో కెప్టెన్ రోహిత్ భారత్ ప్లేయింగ్-11లో మూడు ముఖ్యమైన మార్పులు చేశాడు. రెండో టెస్టులో శుభ్‌మన్ గిల్ తిరిగి వచ్చాడు. వీరితో పాటు ఆకాశ్‌దీప్‌, వాషింగ్టన్‌ సుందర్‌లకు కూడా చోటు దక్కింది. చాలా కాలం తర్వాత తిరిగి టెస్టు జట్టులోకి వచ్చిన సుందర్ రెండో సెషన్‌లో తన బౌలింగ్‌తో అందరినీ ఆకట్టుకున్నాడు.

Manoj Tiwari: ధోని వల్లే కెరీర్ నాశనమైంది.. స్పోర్ట్స్ మినిస్టర్ సంచలన వ్యాఖ్యలు