US visa rejection: కలల చదువుకు కత్తెర

అమెరికా ఎఫ్‌1 వీసాల్లో భారీగా కోత

2023-24లో 41ు దరఖాస్తులు తిరస్కరణ

దశాబ్ద కాలంలో ఇదే అత్యధికం

భారత విద్యార్థుల వీసాల్లోనూ పెరిగిన కోతలు

బైడెన్‌ హయాంలోనే మొదలైన చర్యలు

న్యూఢిల్లీ, మార్చి 24: అమెరికాలో చదువుకోవాలనే విదేశీ విద్యార్థుల కలలకు కళ్లెం పడుతోంది. విద్యార్థుల కోసం జారీ చేసే ఎఫ్‌1 వీసాల్లో గత కొంత కాలంగా అగ్రరాజ్యం భారీగా కోత పెడుతోంది. దశాబ్ద కాలంగా అన్ని దేశాల నుంచి వస్తున్న ఎఫ్‌1 వీసా దరఖాస్తులను పెద్దఎత్తున తిరస్కరిస్తోంది. అలా తిరస్కరణకు గురైన దరఖాస్తులు గత ఆర్థిక సంవత్సరంలో (అక్టోబరు 2023 నుంచి సెప్టెంబరు 2024) 41 శాతానికి చేరాయి. దీంతో దశాబ్ద కాలంలోనే ఎక్కువగా దరఖాస్తులు తిరస్కరణకు గురైన సంవత్సరాల్లో గతేడాది అగ్రస్థానంలో నిలిచింది. 2023-24లో వివిధ దేశాల నుంచి ఎఫ్‌1 వీసా కోసం మొత్తం 6.79 లక్షల దరఖాస్తులు రాగా, వాటిలో 2.79 (41 శాతం) లక్షలను అమెరికా తిరస్కరించిందని ఆ దేశ విదేశాంగ శాఖ నివేదిక వెల్లడించింది. ఆ నివేదిక ప్రకారం.. 2014లో 77.48 శాతంగా ఉన్న ఆమోదం రేటు, 2023-24 సంవత్సరానికి 58.9 శాతానికి పడిపోయింది. భారతీయ విద్యార్థులకు కూడా అమెరికా వీసాలు తగ్గిపోతున్నాయని ఓపెన్‌ డోర్స్‌ నివేదిక- 2023-24 వెల్లడించింది. 2018-23 మధ్య భారతీయ విద్యార్థులకు ఎఫ్‌1 వీసాల ఆమోదం రేటు.. 65.03 శాతం నుంచి 63.74 శాతానికి పడిపోయిందని ఆ సంస్థ తెలిపింది. ఇక తిరస్కరణ రేటు 34.97 శాతం నుంచి 36.26 శాతానికి పెరిగిందని పేర్కొంది. డొనాల్డ్‌ ట్రంప్‌ అధికారం చేపట్టకముందే ఈ కోతలు మొదలయ్యాయి. మాజీ అధ్యక్షుడు బైడెన్‌ హయాంలోనే ఎఫ్‌1 వీసాలను భారీగా తగ్గించడం మొదలు పెట్టారు. ఇకపై మరిన్ని కోతలు ఉంటాయని నిపుణులు భావిస్తున్నారు.

ఈ వార్తలు కూడా చదవండి..

YCP: భయం గుప్పెట్లో.. విశాఖ వైసీపీ

Mayor Suresh Babu: కడప గడ్డపై వైసీపీ షాక్

Bridesmaid Package: వివాహానికి ఆహ్వానించి.. అంతలోనే షాక్ ఇచ్చిన స్నేహితురాలు

Cell Phones: పిల్లలను సెల్ ఫోన్‌కు దూరంగా ఉంచాలంటే.. ఈ టిప్స్ ఫాలో అయితే చాలు..

T Congress Leaders: ఢిల్లీ చేరుకున్న కాంగ్రెస్ నేతలు.. కేబినెట్ కూర్పుపై కసరత్తు

For National News And Telugu News