OTF Ugadi Celebrations: ఒంటారియో తెలుగు ఫౌండేషన్ ఆధ్వర్యంలో ఘనంగా ఉగాది వేడుకలు

కెనడా ఒంటారియో తెలుగు ఫౌండేషన్ (ఓటీఎఫ్) ఆధ్వర్యంలో విశ్వావసు నామ సంవత్సర ఉగాది పండుగ వేడుకలు అంగరంగ వైభవంగా జరిగాయి. టొరంటోలోని జేసీఆర్ ఆడిటోరియం అజాక్స్‌లో జరిగిన ఈ వేడుకల్లో సుమారు వెయ్యికి పైగా తెలుగు ఎన్నారైలు బంధుమిత్ర సపరివార సమేతంగా ఎంతో ఉత్సాహంతో పాల్గొన్నారు.

కార్యక్రమ సమన్వయకర్తలు ప్రవీణ్ నీల, చంద్ర చల్లా ముఖ్య వ్యాఖ్యాతలుగా ఈ వేడుకలను ప్రారంభించారు. ఒంటారియో తెలుగు ఫౌండేషన్ మహిళా సమన్వయకర్తలు వరలక్ష్మి గంధం, ఝాన్సీ బదాపురి, గీత రెడ్డిచెర్ల, శ్రీదేవి నీల, శిరీష ఘట్టి, లావణ్య ఆలూరి, ఆకర్ష కస్తూరి జ్యోతి ప్రజ్వలనతో ఉగాది ఉత్సవాలను ప్రారంభించారు. అనంతరం కిషోర్ శర్మ పంచాంగ శ్రవణ కార్యక్రమాన్ని నిర్వహించారు. తదుపరి నిర్వహించిన సాంస్కృతిక కార్యక్రమాలు ప్రేక్షకులను విశేషంగా అలరించాయి.

కార్యక్రమానికి ముఖ్య అతిథులుగా రీజినల్ కౌన్సిల్ ఫర్ విట్బీ - స్టీవ్ యమాడ, మలీహా షాహిద్ హాజరయ్యారు. ఒంటారియో ప్రీమియర్ డగ్ ఫోర్డ్ ప్రత్యేక సందేశంతో తెలుగు ప్రజలందరికీ ఉగాది శుభాకాంక్షలు తెలిపారు. అయిదు వసంతాలు పూర్తి చేసుకున్న సందర్భంగా ఒంటారియో తెలుగు ఫౌండేషన్ సభ్యులకు శుభాకాంక్షలు తెలిపారు. ఒంటారియో ప్రజలకు ఉపయోగపడే ఎన్నో అద్భుత కార్యక్రమాలు చేస్తున్నందుకు సంస్థని ప్రశంసించారు.

Also Read: డాలాస్‌లో టీపాడ్ బ్లడ్ డ్రైవ్.. వెల్లువెత్తిన స్పందన

భారతదేశ సంస్కృతి సంప్రదాయాలను భవిష్యత్ తరాలకు అందించాలనే ఆశయంతో ప్రవీణ్ నీల రచనా దర్శకత్వంలో, ప్రసాద్ ఘట్టి సాంకేతిక నైపుణ్యంతో పిల్లలందరూ ప్రదర్శించిన "భక్త ప్రహ్లాద" పౌరాణిక దృశ్యరూపకం ఈ వేడుకల్లో ప్రత్యేక ఆకర్షణగా నిలిచింది. ప్రేక్షకుల మన్ననలు పొందింది.

ఈ వేడుకల నిర్వహణకు చేయూత సాయం సమకూర్చిన - గెట్ హోమ్ రియాల్టీ (రఘు జూలూరి, రమేష్ గొల్లు, ఆనంద్ పేరిచర్ల), రామ్ జిన్నాల, సుష్మ వరదరాజన్, కల్పేష్ పటేల్, కృష్ణ కుమారి కోటేరు, జోయెల్ ప్రకాష్, పుష్పిందర్ గిల్, చంద్ర యార్లగడ్డ, రవికిరణ్ ఇప్పిలి, శాయంతన్ మహేషన్, డా. సౌజన్య కాసుల, మురళి కృష్ణ రాతేపల్లి, అబ్దేల్ బెనుటాఫ్, భరత్ కుమార్ సత్తి, తెలుగు ఫుడ్స్, హైదరాబాద్ హౌస్, మధురం, ఇంద్రప్రస్థ రెస్టారెంట్, రేడియో భాగస్వామి మార్నింగ్ రాగ సభ్యులు సంకీర్తన, షాజన్‌లను ఓటీఎఫ్ సమన్వయకర్తలు శాలువాలతో సత్కరించి ఒంటారియో తెలుగు ఫౌండేషన్ మొమెంటోలను బహుకరించారు.

ఈ వేడుకల సందర్భంగా స్థానిక వర్తకులను ప్రోత్సహించేందుకు ఏర్పాటు చేసిన విక్రేత కేంద్రాలు కూడా ప్రేక్షకులను ఆకర్షించాయి. ఉగాది ఉత్సవాలను సాంస్కృతిక కార్యక్రమ సమన్వయకర్తలు ప్రవీణ్, వరలక్ష్మి, ఝాన్సీల సహకారంతో చంద్ర చల్లా, దినేష్ అయిదు గంటల పాటు తమ వ్యాఖ్యానంతో ప్రేక్షకులను అలరించారు.

Also Read: బహ్రెయిన్‌లో ఘనంగా 43వ తెలుగుదేశం పార్టీ ఆవిర్భావ దినోత్సవ వేడుకలు

ఈ కార్యక్రమంలో కెనడా - ఒంటారియో తెలుగు ఫౌండేషన్ సమన్వయకర్తలు శ్రీని ఇజ్జాడ, ప్రసాద్ ఘట్టి, చంద్ర చల్లా, దీప-నవీన్ సూదిరెడ్డి, మురళి రెడ్డిచెర్ల, వరలక్ష్మి గంధం, మంజూష చేబ్రోలు, భరత్ వేంకటాద్రి, ఝాన్సీ బదాపురి, మహీధర్ ఆలూరి, కళ్యాణ్ కస్తూరి, ప్రవీణ్ నీల, తదితరులు పాల్గొన్నారు.

ఈ సందర్భంగా ప్రవీణ్ నీల మాట్లాడుతూ టొరంటోలో చలి వాతావరణంలో కూడా వెయ్యికి పైగా తెలుగు వారు పాల్గొనడం ప్రశంసనీయమని అన్నారు. అయిదు గంటల పాటు నిర్వహించిన ఈ కార్యక్రమానికి విచ్చేసిన వారందరికీ ఉచితంగా రుచికరమైన తెలుగింటి భోజనం, ఉగాది పచ్చడి, తినుబండారాలు, తేనీరు ఏర్పాటు చేశామని తెలిపారు. ఏ దేశ మేగినా, ఎందుకాలిడినా, పొగడరా నీ తల్లి భూమి భారతిని, నిలుపురా నీ జాతి నిండు గౌరవము అన్న విధంగా ఉగాది వేడుక టొరంటోలో ఘనంగా నిర్వహించినట్టు పేర్కొన్నారు.

సమన్వయకర్తలు ప్రవీణ్, చంద్ర కృతజ్ఞతా వందన సమర్పణతో ఒంటారియో తెలుగు ఫౌండేషన్ సభ్యులకు, దాతలకు, భాగస్వామ్యులకు, ఆదరిస్తున్న వారందరికీ ఒంటారియో తెలుగు ఫౌండేషన్ సంస్థ హృదయపూర్వక కృతజ్ఞతలు తెలియజేసింది. తమ విలువైన సమయాన్ని కేటాయించి సంస్థ అభివృద్ధికి సహకరించిన వాలంటీర్లు అందరికీ ప్రత్యేక ధన్యవాదాలు తెలుపుతూ ఉగాది వేడుకలను ఘనంగా ముగించారు.

మరిన్ని ఎన్నారై వార్తల కోసం ఇక్కడ క్లిక్ చేయండి