Pooja Hegde: మొత్తం చుట్టేసి చూపించింది!
ABN , First Publish Date - 2022-11-17T18:30:49+05:30 IST
హోమ్‌ టూర్‌ ఇప్పుడు ఒక ట్రెండ్‌గా మారింది. సినీ సెలబ్రిటీలు సైతం దీనిపై దృష్టిపెడుతున్నారు. వారి అభిరుచికి తగ్గట్లు తయారు చేసుకున్న అనుగుణంగా సిద్థం చేసుకున్న ఇంటి జనాలకు హోమ్‌టూర్‌ పేరుతో పరిచయం చేస్తున్నారు.
హోమ్‌ టూర్‌ (Pooja hegde home tour)ఇప్పుడు ఒక ట్రెండ్‌గా మారింది. సినీ సెలబ్రిటీలు సైతం దీనిపై దృష్టిపెడుతున్నారు. వారి అభిరుచికి తగ్గట్లు తయారు చేసుకున్న అనుగుణంగా సిద్థం చేసుకున్న ఇంటి జనాలకు హోమ్‌టూర్‌ పేరుతో పరిచయం చేస్తున్నారు. తాజాగా పూజాహెగ్డే (Pooja hegde)కూడా ఈ ట్రెండ్‌ని ఫాలో అయ్యారు. ఇటీవల ముంబైలో తాను కొన్న కొత్త ఇంటిని నచ్చినట్లుగా సిద్ధం చేసుకుని హోమ్‌ టూర్‌ చేశారు. దానిని ప్రేక్షకులకు పరిచయం చేశారు. ఇంటిలోని రంగులు గోడల డిజైన్స్‌, కిచెన్‌, బెడ్‌ రూమ్‌, లివింగ్‌ ఏరియా ఇలా ప్రతిదీ ఫుల్‌ క్లాస్‌ లుక్‌లో ఉండూలా బుట్టబొమ్మ డిజైన్‌ చేయించారు. ఆ వీడియోలో పలు ఆసక్తికర విషయాలు తెలిపారు.
‘‘నటిగా ఇప్పుడు నా కెరీర్‌ బావుండొచ్చు. కానీ కెరీర్‌ బిగినింగ్‌లో ఎన్నో ఎత్తుపల్లాలు చూశా. ఈ ప్రయాణంలో నా గురించి నేను ఎన్నో విషయాలు తెలుసుకున్నా. ఈ ఇంటిని నిర్మించేటప్పుడు నేను ఎలాంటి వ్యక్తిని, నా ఇష్టాయిష్టాలేంటి అన్నది తెలిసింది. నేనొక క్లిష్టమైన టాస్క్‌ మాస్టార్‌ని. కార్మికులతో ఎంతో శ్రద్థ, ప్రేమతో ఈ ఇల్లు నిర్మించాను. సినిమాల్లో పనిచేయడం వల్ల ప్రతి దానికి కథ ఉండేలా చూస్తాం. అలాంటి ఆలోచనతోనే నా ఇంటి ముఖ ద్వారాన్ని స్టైలిష్‌గా రూపొందించుకున్నా. ఈ మెయిన్‌ డోర్‌ నా ఇంటికి ట్రైలర్‌ లాంటిది. న్యూయార్క్‌, లండన్‌ దేశాల్లోని స్టైల్‌ ఉట్టిపడేలా ఇంటిలోని ప్రతి ేస్పస్‌ని డిజైన్‌ చేశా. పనులు పూర్తి చేసుకొని ఇంటికి రాగానే రిలాక్స్‌ అయ్యేలా లివింగ్‌ ఏరియా ఏర్పాటు చేశా. ఇంట్లో ఉన్నవారితో మాట్లాడుతూ వంట చేయడం నాకు ఇష్టం. అందుకే ఓపెన్‌ కిచెన్‌ సిద్ధం చేశా. నాకిష్టమైన సినిమాలు, మెసేజ్‌లతో ఈ గోడను రెడీ చేశా. వాటిని చూసే స్ఫూర్తి పొందుతా. మా ఫ్యామిలీ మొత్తం కలిసి బెడ్‌ రూమ్‌లోనే సినిమాలు చూస్తాం’’ అంటూ తన ఇంటి గురించి చెప్పుకొచ్చింది.
