Ambati rambabu: పవన్‌కల్యాణ్‌పై మంత్రి అంబటి ఫైర్

పల్నాడు: జనసేన అధినేత పవన్‌కల్యాణ్‌పై (Pawan Kalyan) మంత్రి అంబటి రాంబాబు (Ambati rambabu) విరుచుకుపడ్డారు. ఆయన మీడియాతో మాట్లాడుతూ జనసేనానిపై ధ్వజమెత్తారు. ‘‘పవన్ ఇష్టం వచ్చినట్లు మాట్లాడుతున్నారు. వారాహి అంటే అమ్మ వారి పేరు. అమ్మవారి పేరు పెట్టుకుని వాహనం పైకి ఎక్కి మాట్లాడటం సరికాదు. పవన్ చేసే ప్రతి పనికి ఒక కథ ఉంది. సినిమాలో పవన్ కథానాయకుడు. రాజకీయల్లో కంత్రీ నాయకుడు. పవన్ పిచ్చి పిచ్చిగా మాట్లాడుతున్నారు. పవన్ రాజకీయాలకు అన్హరుడు. రాజకీయాల్లో చంద్రబాబుకు పవన్ డబ్బింగ్ చెబుతున్నారు. లోకేష్ యువగళానికి అసలు గళం లేదు. టీడీపీది బస్సు యాత్ర కాదు.. అది తుస్సు యాత్ర. తెలుగు దేశం పార్టీ బస్సు యాత్రకు స్పందన లేదు. టీడీపీ బస్సు యాత్రకు టీడీపీ కార్యకర్తలు రాలేదు. నాకు సెల్ఫీ చాలెంజ్ చేసే నైతిక అర్హత కన్నా లక్ష్మీనారాయణకు లేదు. కన్నా టీడీపీలో ఉంటారో.. మరో పార్టీ మారతారో తెలియదు.’’ అని మంత్రి అంబటి వ్యాఖ్యానించారు.